Şablon:Portal:Biyografiye/Nuşte

Şêx Seid yew pil u serdarê Zazayano. Serra 1865 de, qeza Erzurumi Xınıs de, dewa Kolhisar de ameyo dınya.

Namey piyê cı Şêx Mehmud Fewziyo. Keyey Şêx Seidi yew familya de gırda. Sılsıla Şêx Seidi inawa: Mela Heyder, Mela Qasım, Şêx Ali Septi Amedi, Şêx Mehmud Fewzi. Piye Şêx Seidi, Şêx Mehmud Fewzi Pali ra şono Xınıs u uca de dewa Kolhisar roseno u uca de cüyeno (weşiya ho rameno). Hewt (7) lacunê/lacanê Şêx Mehmud Fewzi benê. Nameyê lacanê ho niawo; Şêx Seid, Şêx Behaddin, Şêx Diyaeddin, Şêx Necmeddin, Şêx Tahır, Şêx Mehdi u Şêx Ebdırrehim.

Rehma (merdena) piyê ho ra dıme, mesuldariya keyey, hermey Şêx Seidi sero manena. Familya Şêx Seid dewleti (zengin/xendan) biye. Erzurum ra hatan Halep, Musul, Şam temas u tesirê ho est bi. Şêx Seid, hetê şari ra zaf hesbiêne.

Şêx Seid semed/serba/qandê ilim musayene şono medresa u Muş, Malazgirt, Xınıs u Pali de mektebê ho qedeneno. Şêx Seid, merdimede/mordemo de baqıl u alim bi. Dewe be dewe feteliêne, insanan rê itıqatê İslami sero zanayişê ho dayêne mısaene. (dewamê cı...)