Ateizm u din

Ateizm u din miyan de werênayışi, heta zemanê kıhani ra ewro tıra kerdo u hıma ninan miyan de ancênayışi estê. Ateizm yeno arezey ra Homa u baweriyan rê bawernêkerdışiyo. Teizm zi, yanê baweriya ke zerrekê cı de estiya Homay u itıqadê qıteki estê, cı rê vaciyeno.

Homay sero argumanê ateizmi

Ateizm, verba argumano ke terefê teistan ra mocniyeno u namê xo sebebo verêno de vındeno. Çunkê, eke sebebê her çi esto, qey sebebê Homay çıniyo? Ateizm, verba argumano ke tede vaciyeno ke cihan de nizam esto de vındeno. Çunkê ewro zaniyeno ke cihan de entropi esto, kainatê kaotiki de bınletey estê u eke cihan de nizam esto, semedê/seba nizami ra yew fırra gırde, yanê yew mezgi rê gerek niyo ke cihan de nizam bıvırazo. Heto bin ra argumano bin esto ke vano Eke Homa çıniyo, cihan de edalet (ehlaq zi) nêbeno. Ateizm verba ney de zi vındeno, çunkê Homay ra ehlaq u edalet pawıtene, teyna temenikerdışo. Argumano peyên, teizm vano ke, eke mezgê mı de estiya Homay esta, yanê eke ez şena Homay sero fıkır bıkerin, o zeman Homa esto. Ateizm ney sero vano ke merdum şeno yew estor fıkır kero ke rengê xo penbeyo u şeno hewa de bımano.

Homay sero argumanê dini u teizmi

Din u teizm de Homa fırra (quweto) en gırdo, pêro cihan ey vıraşto. Din u teizm vanê ke ewro cihan de nizam esto, eke Homa çıniyo dınya ser de edalet u ehlaq nêmanenê.