Ateizmo newe

Ateizmo newe namê şiyayışio ke dıma Keşkelun 11i, terefê tayê merduman ra vıraziyao. Ateizmê newey de merdumê namdari, nuştekari u bini; din u baweri sero qısey kenê, merduman rê xırabiya dini vanê. Ninan miyan de Richard Dawkins, Daniel Dennett, Sam Harris u Christopher Hitchens estê. Eno şiyayış de ateisti, zey ateistê kıhani bêveng nêmanenê, vengê xo vecenê. Ateistê newey, din u baweri sero nuşte, kıtab u çiy nusenê; ê kewnê werênayışan ra.

Ateistê newey verba hiri çiyan de vındenê:

• DAY de lise de evolusyoni teber de vıraştışê eqıli zi ders mocnayış
• Verba hucrey rıstımi (kok hucre) ra tedawikerdış de vındış
• Hemcınsbaziye illegalkerdış

Çiyê ke heto corên de nusenê, ateistê newey verba inan de vındenê. Christopher Hitchens kıtabê xo Homa Gırd Niyoy sero vano ki Homa merduman ser de nasyonalizm vırazeno. Richard Dawkinsi zi kıtabê xo Vıraniya Homay de vano ki evolusyoni a keno, merduman rê cı sero enformasyon dano ra. Nuştekar Sam Harris zi vano ki merdum şeno pê mezgê xo bombaya nukleere bıvırazo, hema merdum hem zeman de şeno cenet de hewtay u dı beqirey gırewtışi rê bawer kero.