Karin Boye: Ferqê çımraviyarnayışan

[[Image:karin_boye.jpg|thumb|200px|Karin Boye]]

 

Karin Boye 1900 dı [[Göteborg]] dı ameyo dınya u [[Uppsala]] dı üniversite qedêynaya. Familye (aile) yê cı, Familyeyê bürjüva yê gırd biyo. Karin bı xü çepê radialê Swêdi biya u qandê xezeta u pêserokê inan zi zaf nüşnaya u zaf zi aktif biya. Karin, heta bi 18 sere, bı diyanetan dı zaf proplemê cı est biyo. Yani nêzana biyo bıkewo kamcin dinı (diyanetı). Verê Karin bi [[Budist]], dıma bi [[xırıstiyan]], çı wext bi 20 sere bı diyanetan eleqa xü bırna u bı temami diyaneti verada. Héyatê Karin, her wext tez u anti-tez biyo. Yanim mabênê dıdı waştenı dı biya. Nêy, çı çax merdım şıiranê cı waneno, wuca dı merdım nêy dıha rınd vineno. Kırizê cı yê heri gırd no biyo "''bı xü cınya yo, yan zi mêrdeko''" no fıkır pê kewtenı ay wuni kerd kı, heyatê cı ay rê heram bi. Karin Boye, bı xü ”[[bisexüel]]” biya. Yanim hem merdekana, hem zi bı cınyana menda u hez kerda. Zaten merdım wazeno heyatê cı bızano, o çax merdım şeno kıtabê cı yê "''Kriz''" bıwano. Wuca dı Karin, héyatê u krızê héyatı nüşnena. Na kıtabê cı ser 1934 dı ameyo çapkerdenı. İlhamê Karin Boye filozofê Almani [[Nietzsche]] u hozanwanê Swêdi [[Edith Södergran]] biyo.