Rencber Ezîz: Ferqê çımraviyarnayışan

Rencber Ezîz 01.01.1955 de, dewê Çewlîgî Wusifan de ameyo dinya. Nameyî eyo resmî Aziz Berdibeg o. Ezîz derguşê xo de, wexto ke hema yew tuto qij o niweşîyê çiman geno. Bêdoktorî ra bi metodanî prîmîtîfan tedawî beno. Tedawîya xelet ver, yewserre beno ke çimanî xo keno vîndî. Babî Ezîzî eynî serr keyeyî xo bar keno beno [[Çolig]]. Ezîz, Çewlîg de mehlayê Dere Qeseran de beno pîl. 1968 de dest pêkeno dersê Quranî gêno û çend serrî de beno hafizu’l-Quran. 1971 de binbilerzê Çewlîgî de dadîyê xo keno vîndî. 1972 de Ezîz şino Îstanbul û uca de Mektebî Mewlidxaneyî Çemberlîtaşî de wûneno. Eynî serr Mektebî Cemîyetî [[Qurane]] de wendiş û nuşiş museno. O, nê cemîyetî de dest bi xebatê muzîkî[[muzîk]]î keno. Yew mudeto kilm de cenayîşî sazî museno û bi embazanî xo ya vejîyeno turneyan û konseran dûno. O wext [[Tirkîya]] û [[KurdıstanKurdistan]] de yew perr ra xebata sîyasî ya welatperweran rûmitîyen, perro bîn ra zî dewlet û faşistanê[[faşist]]anê sîvîlan hêriş (gale) kerdîyen welatperweran ser. Rencber Ezîzî hêzanî welatperweran het de cayî xo geno û dest pêkeno besteyanî xo virazeno. Tayê besteyanî Ezîzî yê verênan de tesîrî [[Aşiq Îhsanî]], [[Aşiq Mahzunî]] ûêb. ayseno la o tayê deyîranî [[kirdkî]] ([[zazakî]]) zî vûno. Ê serran de, Ezîz bi xo deyîranî xo yê kirdkî virazeno. Şîîran zî nuseno û muzîkî nînan o bi xo virazeno. La ge-ge şîîranî Mehdî Özsoyî (Şêx Mehdî Özsoy) zî besta keno û vûno.

Rencber Ezîz semedê xebatê xo ya muzîkî 1977 de tepîşîyeno, hewt aşmî û new rojî [[hepisxane]] de mûneno. 1978 de hepisxane ra vejîyeno û yeno [[Çewlîg]]. Ezîz, Çewlîg de zî xebatê xo dewam keno. Çimî ey kor bî la o hertim cematî welatperweran de bi. Şorişgêrî Çewlîgî[[Çewlîg]]î yê serekeyî embazî ey bî. Ezîzî suhbetan de çi goşdarî bikerdîyen, sey teyîb girewtîyen. Çîyo ke şorişgêran ra musaynî, şînî şarî rî qalî kerdîyen. Ey hema-hema her bîyayeyî Çewlîgî[[Çewlîg]]î yê muhîmî ser o yew besta viraşta. Rencber Ezîz peynîyê 1978 de şino [[Almanya]] û heta mergî xo [[Almanya]] de mûneno. Ezîz, 31.07.1988 de, bajarî [[Almanya]] Bremen de xo yew bînaya berz ra erzeno war û bi no hewa mereno. Heta ewro zî sebebî mergî ey tam bellî nêbîyo. Tayê vatişan gore Rencber bina ra erziyayo war, kışiyayo. Yew deyîrê xo de, xo ser o wina vano:

:“Ezîz lawikûn vûn

:Lawîk weş î

:Vêng Ezî imo zafîn gueşî.

:Ezîz, lacî Filît Dorêşî

:Wê Ezo, wê Ezîz o!

:Nîye pîs o nîye temîz o!

:Şarî r’ wisar o, tu r’ payîz o!”

Ezîz, Almanya de xebatê xo hêna profosyonel rûmeno. [[Ewropa]] de şewanî kurdan de vejîyeno sehne. Ey zaf besteyî [[kirdkî]], [[kurmanckî]] û [[tirkî]] viraştî la tena yew kasetî ey vejîyo. Nameyî kasetî ey “Hesreta“[[Hesreta Azadî“Azadî]]“ yo. Nê kasetî Ezîzî bi taybetî mîyanî çewlîgijanÇewlîgijan de zaf eleqe dî. Hema zî zafî çewlîgijanÇewlîgijan nê deyîranî Ezîzî ezber ra zûnî û nê deyîrî fek ra fek vajîyenî. La zaf besteyî Ezîzî yê ke nê kasetî de çin î zî estî. Ey zaf rey embazanî xo het saz dawo piro û vato, embazanî ey zî vengî ey bi metodanî primîtîfan girewto kasetan. Nê kasetan ra çend teneyî kewtî ma dest. Semedo ke nê deyîrî vîndî nêbî, ez wazen ma înan ra tayê deyîran Vate de vejî. Nê deyîran ra yew zî “Şûno Şûno“ ya. Ezîz, na deyîr hîrê welatperweranî çewlîgijan ser o vata. Hem vate hem zî besta aîdê Ezîzî ya. Nê hîrê kesî zî embazî Ezîzî bî. Serranî 1980 ra heta ewro na deyîr bîya sey yew deyîra anonîm û mîyanî çewlîgijan de vajîyena. Semedo ke sey yew belgeyî tarîx de bimano, ez wazen ma na deyîr Vate de vejî. No munasebet a ez wazen nê hîrê heme welatperweranî erjîyayan ser o zî çend rêzan binusî û nînan reyna bîyarî vîrî şarî ma.