|
'''Weşanxaneyê Vateyî''' serra 2003yıne de [[Estamol]] de niyayo ro.
==Çapxaney sero==
Grubê Xebetê Vatey dest be weşenayışê Kovara [[Vate]]yî amnanê 1997ine de [[Swêd]] de kerd, labelê [[Çapxaney Vatey]] serra 2003ine de [[Estamol]] de seba ke qeraranê nê grubi xo rê zey [[siyaset]]ê weşenayışi bıgêro u be no qeyde kıtabanê Zazaki çap bıkero, be namey nê grubi u Pêseroka Vatey ame sazkerdene u 2003ine ra nat kıtab u pêserokanê xo Estamol ra keno vıla. Çapxane de serra 2003ine ra hetan ewro hirıs u yew kıtab u des amarê Pêseroka Vatey çap biyê.
==Raverşiyayışê Grubi==
Grubê Xebetê Vatey tebaxê 1996ine de paytextê [[Swêd]]i [[Stockholm]] de awan bi u derheqê [[Zazaki]] de hetan ewro 15 pêserameyışi welatanê [[Swêd]], [[Almanya]] u [[Tırkiya]] de vıraşti. Ezaê Vatey [[Zazaan]]ê ke be Zazaki nusenê u mıntıqayanê cia-ciayan ra yenê pêser. Armancê grubi standardizekerdışê [[Zazaki]]yo.
Hetê nê grubi ra semedê vıraştışê yew Zazakiyê standardi ra xeylê qerari amey gırewtene: Pêserameyışanê Grubê Xebetê Vatey de, ezay hetê term u çekuyan, hetê ra ki qeydeyanê [[raştnuştış]]ê Zazaki sero vınderti u ê kıtab u pêserokan de neşr kerdi. Pêserameyışê verêni 2-4ê tebaxê 1996ine de Stockholm de biy. Raa verêne, pêserameyışê xoyê 15ine temmuza 2007ine de [[Diyarbekır]] de ame vıraştene. Wesarê 2008ine de ki, Vate yew büroê xo Diyarbekır de kerd ra. Ewro, Vate endi Tırkiya ra çapkerdışê xo dewam keno.
==Standardizekerdışê Zazaki==
Seba ke Zazaki ra xızmet bıkero u nuştışê zıwani nia asan bıkero, Grubê Xebetê Vatey yew [[Zazakiyo Standard]] vıraşt ke têde [[lehçe]]yan ra yena pêra u yew [[alfabe]] u [[gramer]]ê yewbiyae gureneno. Armancê xoyo ke ver be yewbiyaena zıwanê nuştışi [[kaos]]ê Zazakiyê nuşteki bıqedêno. No grub qeydeyanê gramerê Zazaki tesbit keno o miyanê formanê cia-ciayanê çekuyan ra yew form zey standardi çineno we. Hetan ewro Grubê Xebetê Vatey dorê phanc hezari çekuy standardize kerdê u ferhengek de dayê weşenayış. Nê grubi yew ki kıtabê raştnuştena Zazaki kerdo hazır.
==Beşdarê Vatey==
Taê beşdari ewro semedê cia-ciayan ra Grubê Xebetê Vatey ra bırriyayê a. Heto bin ra kî xeylê [[nuştoğ]]ê newey beşdar biyê.
Kesê ke ezayê Vatey ya ki pêserameyışanê Zazaki de biyê hazır, nê yê:
(Bacar ya ki qezeyê ke parantezan miyan derê eslê beşdaran mocnenê)
* [[Mehemed Malmisanıj]] ([[Piran]]) – Serredaktor
* [[J. İhsan Espar]] (Piran) – Redaktorê Pêseroke
* Haydar Diljen ([[Sêwregı]]) – Redaktorê Pêseroke
* Cemil Gündoğan ([[Dêrsım]]) – Redaktorê Pêseroke
* [[Deniz Gündüz]] (Gımgım) – Persberê Pêseroka Tırkiya
* [[Munzur Çem]] ([[Dêrsım]]) – Persberê Pêseroka [[Almanya]]
* Şukri Atik (Gımgım) – Persberê Pêseroka [[Hollanda]]
* Memo Darrêz ([[Bongılan]]) – Persberê Pêseroka [[Norweç]]i
* [[Seyidxan Kurıj]] ([[Çewlig]])
* [[Lerzan Jandil]] (Gımgım)
* Sait Aydoğmuş (Gımgım)
* Osman Aytar (Sêwregı)
* Yıldıray Beyazgül (Gımgım)
* Aydın Bingol (Gımgım)
* Hümanê Çiyan ([[Depe]])
* Nihat Eli (Sêwregı)
* Nevzat Gedik (Gımgım)
* Huseyin Gırmıt (Erzıngan)
* Wısıf Kaymak (Piran)
* Elif Kılıç (Dêrsım)
* Çeko Kocadağ (Gımgım)
* Huseyin Kulu (Dêrsım)
* Selım Murat (Palı)
* Hamdi Özyurt (Gımgım)
* Robin Rewşen ([[Lıcê]])
* [[Kamer Söylemez]] (Dêrsım)
* Mehmet Taş (Dêrsım)
* Kazım Temurlenk (Dêrsım)
* Harun Turgut (Palı)
* Şukri Urgun ([[Hêni]])
* Orhan Zoxpayıj ([[Çewlig]])
* Serdar Bedırxan (Piran)
* Muzafer Xeylanıj (Palı)
* C. Zerduşt Piranıj (Piran)
* Mehmud Nêşite (Lıcê)
* Suleyman Yılmaz (Piran)
Destpêkê Vatey de Osman Aytar, Yıldıray Beyazgül, Çeko, Munzur Çem, Hümanê Çiyan, Memo Darrêz, Nihat Eli, Lerzan Jandil, Huseyin Kulu, Seyidxan Kurıj, Robin Rewşen, Kamer Söylemez, Kazım Temurlenk, Harun Turgut, Şukrî Urgun Grubê Xebetê Vatey de gureyay (xebetiyay) biy.
Taê pêserok u kıtabê ke hetan ewro Vatey day çap ro, nê yê:
* Licokic, Mihanî, Şanikan û Deyîranê Licê ra, Stenbol, 2007, ISBN 978-975-6278-14-7
==BıvênênBivînê==
* [[Vate]] (kovar)
* [[Grûba Xebate ya Vateyî]]
==GırêyGirêyî==
* [http://www.vateyayin.com/ Pela Weşanxaneyê Vateyî]
* [http://www.peyamaazadi.org/modules.php?name=News&file=article&sid=1711 be Deniz Gunduz ra reportaj]
| 