Yeğnubki: Ferqê çımraviyarnayışan

'''Yeğnubki''' (yaɣnobī́ zivók, яғнобӣ зивок) jew zonê do [[Zıwanê İranki|İrankiyo]] ke [[Tacikıstan]]i de qal beno. Gruba [[Zıwanê İranki|Zonanê İrankiyan]] de caê xo zonê İrankiyê rocvetışi dero. Yeğnubki zımey-rocawanê [[Tacıkıstan]]i de u mıntıqa Zerefşani de qal beno. Zonê Yeğnubki be zonê [[Soğdki]] ra zaf nezdiyo. A ri ra cı rê ''Neo-Soghdian'' (Soğdkiyo Newe) zi vaciyeno.<ref>http://www.iranicaonline.org/articles/yaghnobi</ref> Ewro 12,000 (des u dı) Yeğnubi esti u zonê Yeğnubki qali keni.<ref>http://www.ethnologue.com/language/yai</ref> Ewro zafê Yeğnuban dı zuan zanao, jewo ki zonê Yeğnbukio, bin ki zonê [[Taciki]]o. Zonê Yeğnubki de dı diyalekti esti; diyalekti rocvetışi u diyaletki rocawani. Fonetik de miyanê nê diyalektan de ferqi esti. Mısal herfa tarixi ''θ'' diyalekti rocvetışi de ''t'' bena, diyalekti rocawani de ''s'' bena. Mısal met (rocvetış) - mes (rocawan) yeno mena 'roce'. Diyalekti rocawani de peybendi 'ay' diyalekti rocvetışi de beno 'e'. Mısal wayş (rocawan) - weş (rocvetış) yeno mena 'waş'. Nê vatey, zonê [[Soğdki]] ra yeno, Soğdki de 'wayş/weş' 'wayş'o. Zonê ma de ki waş, zonê Soğdki de 'wayş'o. Herfa θr, diyalektan miyan de diyaletki rocawani de ''tir'', diyalekti rocvetışi de ''sar''o. Mısal 'saráy' (rocvetış) - 'tiráy' (rocawan) yeno mena 'hiri'. Zonê Soğdki de zi θrē/θray ya zi ṣ̌ē/ṣ̌ay o.