'''İstari''' ya zi '''Wizard''' romanê [[J.R.R. Tolkien]]io ğeyali [[The Lord of the Rings]]i de namê yew cemaetiyo ke rıçıkê inan (oricin, rıstım) [[Mia]]yan ra vıraziyeno u zaf xısusiyo. Dewrê Hirêyıni de serra 1050ıne de pancê Miayan ameyo [[Limanê Gewri|Limananê Gewran]]. Enê Miay terefê vıraştoğê gemiye Cirdan ra qebul biyê. Qebulkerdış ra dıme [[Elf|Elfan]] enê Miayan rê ''Istariİstari'' votovato u merduman zi vato ''Sihırbaz''. Wexto ke Miayan ameyê Erdê Miyanêni, ê zaf kıhalık (yanê serra xo vêrda ra, ser u serra xo gırewtê) asayê u ê zey ''Camerdê Kıhalıki'' asayêne. Valar inan ra şarê Erdê Miyani raya iqnakerdış u teşwikkerdış ra diyayış o musnayış waştê. İnan ra raya zulımkerdışi ra diyayış ya zi musnayış qet nêwaştê. İnan bimerdışi biyê u cıwiyayışê inan bipeyniyeyo, sebebê cı zi Miabiyayışo. Wexto ke ê formê merdumi de veciyenê meydan, ê şenê heme hissê merduman bıeşnawê zey zewki, tersayış u ê bini. Wexto ke ê formê merdumi de veciyenê meydan, ê merg u pilbiyayış ra cıra benê hema ke formê inano fiziki şeno miyan ra bıdariyo we, imha bo. İnan ameyê Dınyaya Miyanêne seba ke şarê Erdê Miyanêni heqa xırabiya [[Sauron]]iya ke roce be roce bena pile de xeberdar kerdene u organizasyon vıraştene.
