Din: Ferqê çımraviyarnayışan

'''Din''', itıqad ya zi eqıdê baweriya insania. Çekuya "din"i İrankiyo Kıhan, [[Ewısta]], ''"daena"'' ra yena; İrankiyo Miyanên, [[Pehlewi]] ya ki [[Partki]] ra kewta [[Erebki]], reyna Erebki ra kewta [[Farski]], [[Tırki]] u zıwananê binan. Din, raya isbatkerdışi ra nê, raya bawerkerdışi (inamkerdış) ra şono. Baweriya insani be yew ya zi zêde [[Homa]]y ke merdum pê menay heyati ifade keno. Dinê gırdi serê dınya de [[İsewitiye]], [[İslam]], [[Budizm]], [[Musewitiye]] mariyenê. İtıqadê kıtaban ra ğeyri yew zi itıqadê tebiiy estê. Tayê dinê tebiiyan u kıtaban ra ki kewtê têmiyan u senteze zi vıraşta.

 

[[Dosya:Religious symbols.svg|thumb|İşaretê Dinan]]

 

Merdım rey-rey yew kıtab çeng gırangi vêneno, labelê her gırang çiyo de newe tede vêneno, her gırang yewna netice cı ra veceno. No bıney zi dem u elaqe (interese) ra gırêdayeyo. Merdımi rê çı ke lazım bo, ey hinya rehet vêneno. Cuwa ver, wexto ke merdım nê kıtaban bıwano, tayê meseli zaf diqetê cı nêancenê. Hetê [[tarix]], [[zıwan]], kultur, [[edebiyat]] u folklori ra nê kêtabi cı rê zaf balkêş nêbenê. Tesiro ke nê kıtaban mıletan sero vıraşto hend mıhim nêbi. Merdım ke nê kıtaban seraser biwano, tayê çiyanê neweyan tede vêneno. Bilxesa Tewrate de. Ğelet ya zi raşt Tewrate de xeylê melumato tarixi esto. [[Med]]an u welatê Medan (Medya) sero zi xeylê melumat dano.

Tarixê kıtabanê mıqedesan çehar hezari serran ra vêreno. Nê wexti miyan de nê kıtaban ra zêdêr kıtabi nêameyê wendış. Kıtabê mıqedesi [[tarix|tarixê]] merdumiye u medeniyeti de yew cayo muhım gênê. [[Tarix]] de sewbina kıtaban hendê nê kıtaban itıqad u emelê merduman sero tesir nêkerdo. Nê [[kıtabi|kıtaban]] goreyê bawermendan (inamkerdoğan) insanan rê huzır u seadet ardo, heto bin ra zi biy sebebê herban, qetliaman u felaketan. Kıtabanê mıqedesan tarixê mıletan de [[zıwan]], [[zagon|kultur]], [[edebiyat]], folklor u heyato komelki (cematki) sero zaf tesir kerdo.

 

* [[Adem]]

* [[Nuh]]

* [[İsa]]

* [[Mıhemmed]]

 

== Bıvênên ==