Adem u Hewa: Ferqê çımraviyarnayışan

Çımê [[İslam]]i de zi şanıke dinanê İbrahimiyê binan ra nezdi qısey beno. [[Homa]]y [[İslam]]i [[Allah]] [[Adem]] u cêniya xo [[Hewa]] vırazenê, yani afernenê. İnan ceneti ra caynenê (ca kenê) u tepeya inan rê dare illegal keno u vano ''na dare ra dur bımanê''.<ref>http://www.usc.edu/org/cmje/religious-texts/quran/verses/007-qmt.php#007.012</ref> Adem zi weno, [[Hewa]] zi wena dare ra u bedenê inan rut u vıran manenê. Adem wucıdê xo agırewtene (racayış) wazeno u Homay her dı zi ([[Adem]] u [[Hewa]]) ano cêri. Adem u Hewa cenet ra teberniyenê. [[Mısılman|Mısılmanan]] çım de [[Adem]] [[Peyğamber|peyğamber]]o verên u piyê insanan vêniyeno; [[Hewa]] zi maya insanan vêniyena. Miyandê qıcanê (doman, qıj) Adem u Hewa de zeweciyayış beno, (yani mınasebetê [[Ensest|ensesti]] beno, lacek be waya xo zeweciyeno u waye be bıray xo zeweciyena) u merdumi gam be gam zêde benê.

 

Miyandê ilimdaran (merdumê ke zanayê) de heqa mitolociya Adem u Hewa de zaf mıxtelif qaytkerdışi (ewnayışi u vênayışi) estê. Hata seserra 20ıne ra çımê ilimdaran de u cayanê zanışi (ilmi) de [[Adem]] ,zey raşta merdum zey Ademi est biyo, raşt vêniyayo. Hema be averşiyayışê zanışiye (ilim) u teknolociye ra zaniyayo ke merdum zey [[Adem]] est nêbiyo. Yani mumkınatê biyayışê Ademi çıniyo. Ewro [[Evolusyon|teoriya evolusyoni]] çımê ilimdaran de qabul bena u raşt vêniyena. Coke ra Adem u Hewa zey şanıke vêniyenê, vaciyeno ke na şanıke mitolociya yani raşt niya.

 

Şanıka Adem u Hewa de her hirê dinan de zi (Xıristiyan, Cıhudi u İslam) vaciyeno ki [[Homa]]y raveri mêrdek (yani [[Adem]]) vıraşto u mêrdek ra tepeya cêniye (yani [[Hewa]]) vıraşta. Naca de heni aseno ki sistemê patriarkali (yani mêrdeki cêniye ser de vênayene) esto. Xetta [[Cıhudiye]] deha averi şona (şına) ki vana ki cêniye xapıto mêrdeki (yani vana ki Hewa Ademi xapıto). Yani tiya ra aseno ki Homay Cıhudan cêniyan mêrdekan ra peyi/apeyi vêneno. Heto bin ra, her hirê dinan de zi Adem u Hewa, ê meywa wenê hama (la, labelê) cezaya inan (vıreniya dı merduman) heme insanan ancenê. Yani vênayışê nê dinan de edalet cawiyeno, bınê payan ra gêriyeno.

 

<references/>

 

[[Kategoriye:Mitolociye]]

[[Kategoriye:Şanıke]]