Rencber Ezîz: Ferqê çımraviyarnayışan

'''Rencber Ezîz''' yew senatkaro [[Kird]] o. Nameyê xoyo resmî Aziz Berdibek o. Rencber Ezîz 1955 de dewa [[Çewlig|Çewlîg]]î, [[Wisfan]] (Wisfun) ''([[Tirkî]]: Aşağı Akpınar)'' de bîyo.

 

Ezîz derguşê xo de, wexto ke hema yew tuto qij o nêweşîya çiman gêno. Bêdoktorî ra bi metodanê prîmîtîfan tedawî beno. Tedawîya xelete ver, yewserre beno ke çimanê xo keno vinî (vîndî). Pîyê Ezîzî eynî serre keyeyê xo bar keno beno [[Çewlig|Çewlîg]]. Ezîz, Çewlîg de mehlaya Dere Qeseran de beno pîl. 1968 de dest pêkeno dersê [[Quran]]î gêno û çend serran de beno hafizê Qurane. 1971 de binbilerzê [[Çewlîg]]î de maya xo keno vîndî. 1972 de Ezîz şino [[Estanbol]] û uca de Mektebî Mewlidxaneyî Çemberlîtaşî de waneno.

 

Rencber Ezîz 1972 de Mektebî Cemîyetî [[Qurane]] de wendiş û nuştiş museno. O, nê cemîyetî de dest bi xebatê [[muzîk]]î keno. Yew mudeto kilm de cenayîşî sazî museno û bi embazanî xo ra vejîyeno turneyan û konseran dûno. O wext [[Tirkîya]] û [[Kurdistan]] de yew perr ra xebata sîyasî ya welatperweran rûmitîyen, perro bîn ra zî dewlet û [[faşist]]anê sîvîlan hêriş (gale) kerdîyen welatperweran ser. Rencber Ezîzî hêzanî welatperweran het de cayî xo geno û dest pêkeno besteyanî xo virazeno. Tayê besteyanî Ezîzî yê verênan de tesîrî [[Aşiq Îhsanî]], [[Aşiq Mahzunî]] ûêb. ayseno, la o tayê deyîranî [[kirdkî]] ([[zazaki|zazakî]]) zî vûno. Ê serran de, Ezîz bi xo deyîranî xo yê kirdkî virazeno. Şîîran zî nuseno û muzîkî nînan o bi xo virazeno. La ge-ge şîîranî [[Mehdî Özsoy]]î zî beste keno û vûno.

 

Rencber Ezîz semedê xebatanê xo yê muzîkî 1977 de tepişîyeno, hewt aşmî û new rojî [[hepisxane]] de mûneno. 1978 de hepisxane ra vejîyeno û yeno [[Çewlig|Çewlîg]]. Ezîz, Çewlîg de zî xebatê xo dewam keno. Çimî ey kor bî, la o her tim cematî welatperweran de bi. Revolusyonîstî [[Çewlig|Çewlîg]]î yê serekeyî embazî ey bî. Ezîzî suhbetan de çi goşdarî bikerdîyen, sey teyîb girewtîyen. Çîyo ke revolusyonîstan ra musaynî, şînî şarî rî qalî kerdîyen. Ey hema-hema her bîyayeyî [[Çewlig|Çewlîg]]î yê muhîmî ser o yew besta viraşta. Rencber Ezîz peynîya 1978 de şino [[Almanya]] û heta mergî xo [[Almanya]] de mûneno.

 

Ezîz, Almanya de xebatê xo hêna profosyonel rûmeno. [[Ewropa]] de şewanî kurdan de vejîyeno sehne. Ey zaf besteyî [[kirdkî]], [[kurmanckî]] û [[tirkî]] viraştî la tena yew kasetî ey vejîyo. Nameyî kasetî ey “[[Hesreta Azadî]]“ yo. Nê kasetî Ezîzî bi taybetî mîyanî Çewlîgijan de zaf eleqe dî. Hema zî zafî Çewlîgijan nê deyîranî Ezîzî ezber ra zanî û nê deyîrî fek ra fek vajîyenî. La zaf besteyî Ezîzî yê ke nê kasetî de çin î zî estî. Ey zaf rey embazanî xo het saz dawo piro û vato, embazanî ey zî vengî ey bi metodanî prîmîtîfan girewto kasetan. Nê kasetan ra çend teneyî kewtî ma dest. Nê deyîran ra yew zî “Şûno Şûno“ ya. Ezîz, na deyîr hîrê welatperweranî Çewlîgijan ser o vata. Hem vate hem zî besta aîdê Ezîzî ya. Nê hîrê kesî zî embazî Ezîzî bî. Serranî 1980 ra heta ewro na deyîr bîya sey yew deyîra anonîm û mîyanî Çewlîgijan de vajîyena.

 

Ezîz, 31.07.1988 de, bajarî [[Almanya]] [[Bremen]] de xo yew bînaya berz ra erzeno war û bi no hewa mereno. Heta ewro zî sebebî mergî ey tam bellî nêbîyo. Tayê vatişan gore Rencber bina ra erziyayo war, kişîyayo. Yew deyîrê xo de, xo ser o wina vano:

 

Serê mezelê Ezîzî de zegurkî ê wasî kerdo anakî nusneno: ''Ey yolcu, dur. 32 sene aydınlığın yüzünü göremedim. Aydınlığın değerini bil.'' "Ey rayîrwan, vinde. Mi 32 serrî roşnî nêdî. Qiymetê roşnî bizane."

 

* ''Ez nîweşa''

* ''Piro de bira mi''

* ''Merhaba''

 

* [http://www.rencberaziz.8m.net/ Keypela Rencber Ezîzî]