Heşo sıpê: Ferqê çımraviyarnayışan

'''Heşo sıpê''' (o pê namanê '''Heşê qutıbi''', '''Heşê deryay''' zi şınasiyeno) (Ursus maritimus) keyey heşênan (Ursidae) ra yew ganiyo, cayanê serdınan dı [[vewre|vewran]] sero cıwiyeno, heşê do gırdo. Heşo sıpê dınya sero tewr karnivoro gırdo, [[heşo]] gewr cı ra gırdêro hema o karnivor niyo, omnivoro, vaşan weno, yani heşo sıpê tewr ganiyo gırdo kı tek teyna goşti weno u o warey xo dı yew superseydkero, superdırnaoğo. Hêşo sıpê dormey xo ra zaf rınd adapte biyo, muyê cıyê gırdi u wışki ey serdi ra şevekneno, asayışê cıyo sıpê ey seydan ra nımneno. Coka heşo sıpê hem herran sero, hem derya ser hem cemedi sero hem zi zerrey awıkan dı zaf hewl seyd keno.

 

Werdê heşê sıpêy [[mase]] u [[fok]]ê, o inan weno. Key heşo sıpê beno veyşan, cemedi vêneno, nışeno ro cı u şıno cayê do bin, kilometran ra dûriyêr şıno, xo rê werdi geyrenê cı. Bınê cemedan ra hılmê fokan vêneno, cemedan şıkeno, foki tepışeno u beno zerrey fekê xo u weno.

 

Cı ra pê [[Latinki]] vanê Ursus maritimus, cayê cı qutıbo coka zi cı ra vanê “heşê qutıbi”. Hêşê sıpêy rê zıwanê [[İngılızki]] dı “polar bear” vaciyeno, heto bin ra namey cı zey “polar bear” zi esto, o zi gırweniyeno.