Destana Gılgamışi: Ferqê çımraviyarnayışan
Content deleted Content added
m revert |
m 'Çınke' varyanto tewr oricinalo, kok: Farskiyo Miyanên: çi+gun + Avestki: ke |
||
Line 8:
Gılgamış yew plan vırazeno ke Engiduy biyaro bacarê Uruki. Gılgamış no planê xo de ser keweno. Raveri Gılgamış u Engidu danê pêro, ema kes zor kesi nêbeno. Behde zi her dı benê embazê yewbinan (embazê qederi). O wext Bırrê Sediri miyan de yew dêwo merdumwerdoğ esto. Namey ey [[Xumbaba]]yo. Gilgamiş u [[Engidu]] şonê ke ney dêwê merdumwerdoği (Xumbaba) bıkışê. (Tabletê çarin). Ê behde zehf zehmet u meşeqatan a Xumbaba kışenê.
Wexto [[Gılgamış]] u [[Engidu]] ageyrenê Uruk, Homa İştar bena aşıqê Gılgamışi u wazena ey de bızeweciyo. Ema Gılgamış qebul nêkeno. İştar şona asmên piyê xo Anu u maya xo Antu rê, ke her dı zi homayê, gerrey Gılgamışi kena. Anu İştar rê vano "xeta toya". Ema o (Anu) anciya zi duştê Gılgamışi de yew mexluqo zey boxeyi xeleqneno u ey şaweno ke bacarê Uruki xırabe bıkero. Gilgamiş u Engidu be zar u zor a ney mexluqi zi kışenê. (Tablet 6) İştar zehf hêrs bena, kena fixan u kılaman vana. Gılgamış u Engidu be awıka [[Roê Fırati|Royê Fırati]] destanê xo goni ra kenê pak u yenê bacarê Uruki. Ê bacar de yew festa gırd vırazenê. Homayan ra Homa Enlil zey yew ceza qerarê merdışi Engidu dano ke Gılgamış tenya bımano. Engidu beno nêweş u mereno.(Tablet 7) Gılgamış embazê xo rê zehf bermeno u loriyan keno. Merdışê Engiduy ra pey tersê merdışi keweno ey zerre u merdış ra remeno. Vano: "Ez do be xo zi bımeran, ez zi o wext nêbenan zey Engidu? Qeder nefret kewt ruhê mı,
[[Gılgamışi]] werzeno we, şono, geyreno ke çarey merdışi bıvêno. [[Utanapiştim]] pirıkê Gılgamışiyo. [[Utanapiştim]] u ceniya xo nêmerdeyê. Gorey Destanê Gılgamışi, Homay wazenê yew tufan vırazê u emir danê Utanapiştimi ke yew gemi vırazo. Ema Homay behde poşman benê ke tufan vıraşto. Aye ra [[Utanapiştim]] u ceniya ey rê cıwiyayışo ebedi beğş kenê. Gılgamış ney zaneno. Gılgamış dano puri şono welato ke pirıkê ey tede cıwiyo. Raya xo sero raşti zehf bela u zehmetan yeno. Peyni de Gılgamış, Utanapiştimi vêneno. Utanapiştim ey rê vano: "Bınê deryay de yew vaş esto, eke tı ey vênenay u ey ra wenay, tı benay merdumo nêmerde." Gılgamışi kemeran besteno xo lıngana, xo erzeno derya, ney vaşi vêneno. Namey ney vaşi "Şibu issahır amelu"yo. Yani "merdumo ixtiyar be ey beno cıwan"o. Gılgamış, ney vaşi gêno u verê xo çarneno hetê bacarê Urukiya. Raya xo ser de yew ca raşti yew awıka gola serdıne yena. [[Gılgamış]] u embazê xo Ur-Şanabi kewenê na gole u xo şünê. O wext yew mar boyê vaşê cıwiyayışi gêno, yeno ey weno. Mar ca de verri erzeno, beno cıwan. [[Gılgamış]] bêçare ageyreno bacarê Uruki. Gılgamış, merdış rê yew çare nêvêneno, nêbeno merdumo nêmerde.
| |||