İrtıdad
İrtıdad (ارتداد) İslam de din ra abıriyayışo. Yani merdumo ke mısılman biyo u dıme ra dinê xo vırneno u İslam ra veciyeno, ney rê irtıdad vaciyeno. Merdumo ke dinê İslami ra veciyao u dinê xo vırnao, cı rê murted vaciyeno. İrtıdadi rê rıdde (ردة) ki vaciyeno. Mewzuyê irtıdadi kıtabê klasiki de elfaz-ı kufır miyan de ca gêno. Merdumo ke irtıdad kerdo, yani murtedo, cezay xo kışiyaena, mergo.[1] Eno xısus de hedis zi esto ke vano, "kamo ke dinê xo vırneno, ey bıkışên[2].[3] Êyê ke gêcê (xintê), din ra veciyayışê inan qebul nêbeno. Ceniyan sero cezay kıştene tam beli niya. Gorey Ebu Henifey eke jû ceniye din ra veciyena, a nêşena bıkışiyo.