Cumhuriyetê Piedmonti

Cumhuriyetê Piedmonti (İtalyanki: Repubblica Piemontese) cumhuriyeto verêno ke ordiyê Fransa serê hardê Piedmonti de vıraşto, uca de niya ro. Cumhuriyetê Piedmonti miyandê serranê 1798 u 1799 de est biyo u cumhuriyetê ke Fransızan vıraştê inan ra amariyeno.

Cumhuriyetê Piedmonti
Desmal û Arma
Melumat
Ware	Cumhuriyetê bırayi
Xerita

Roniyayışê cumhuriyeti

Piedmont ihlaqê xo ra veri bınê Qraliya Sardunya de mendo. Hema serra 1796ıne de be ameyışê ordiyanê revolusyonistan imzakerdışê Pêameyışê Parisi (Sulhê Parsi) ra tepeya Savoy u Nice kewtê bınê hakimiyetê Fransa. Serra 1798ıne de ilhaqo dıyın vıraziyao u Qralê Sardunya Charles Emmanuel Roma rê remao u pêameyış ra destê xo anto. Coka mıllet tarixê 10ê Keşkeluni 1798 de Piedmont de cumhuriyet a kerdo, ilan kerdo. Hema no cumhuriyet hetê şaranê binan ra nêşınasiyao.

Sistem u vıraziyayışê hukmati direktuar çıniyayo we. Cumhuriyet pereyanê xo sero xoseriye, hemardışiye, bırayiye sloganê Fransızki liberté, égalité, fraternité nusniyayê. No zi sloganê cumhuriyet vêniyao.

Rıciyayışê cumhuriyeti

Tarixê 20ê Heziran 1799 de ordiyanê Awıstırya-Rusya hardê Cumhuriyetê Piedmonti işğal kerdo, vısto destê xo ra. Cumhuriyeti miyan ra darıto we. Hardê Piedmonti reyna kewto bınê hakimiyetê Qraliya Sardunya u wına ilan kerdo. Hema ordiyê ke Napolyon Bonapart ra bestiyayê, inan Lecê Marengo ra tepeya kewto Zımeyê İtalya u işğalê Awıstırya u Rusi rê peyniye daya. Cumhuriyet be namê Cumhuriyetê Subalpini anciya niya ro.