Deccal

Deccal (Erebki: المسيح الدجّال; El-Mesīḥ el-Deccal) mitolociya İslami dı ganiyo şeytaniyo kı zemanê peyêni dı dınya ameyışê Mesihi ra ver yeno dınya, merdıman xapeno u itıqad ra abırneno. Namey cı eskatolociya Xıristiyani dı zey Antichrist, Cıhudi dı zi zey Armilus vêreno. Namey deccali zıwanê Erebki dı cıpadayış, nımıtış rıçıkê 'decl'i ra yeno, xapıtoğ, hilekar areze keno.

Cı sero vatışê Mıhemmedi

Cı sero zaf hedisi estê kı merdıman vıraştê ya zi hedisê raştıkıni sero kerdê cı. Yew vatışê Mıhemmedi dı ana yeno vatış; “Ez deha rınd zanan kı kam Deccal ra piya şıno. Kışta ey dı, dı roy (awi) estê. Yewê royan be asayışê xo zey awıka pakı, ê bin zi zey adıra. Şıma ra kamci merdımê kı resenê ey awa kı zey adır asena bêrê cı u cı ra bışımı. Çınke o awıka paka, serda. Yew zi çımê Deccaliyo çep koro, çıniyo. Dı çımanê ey miyan dı kafir yeno nuştış. Her mısılman şeno bıwano cı.”