Dua Xelil Eswed
Dua Xelil Eswed (Erebki: دعاء خليل أسود) jû keyneka Iraqia de Kurda ke serra 1990ıne de İraq de sûka Başika de maya xo ra biya u serra 2007 de be raya recmkerdışi (kerreeştene) kışiyawa. [1] A biya qurbana cınayetê torey. [2] Seba kışiyayış u qetlê cı vaciyao ke a seba ke yew lacekê de Sunni ra bızeweciyo, dinê xo vırnao u a ri ra kışiyaya.[3] Emma lacek vato ki ena zura.[4]
| Dua Xelil Eswed | |
|---|---|
| Melumato şexsi | |
| Dewlete | Iraq |
| Cınsiyet | Cêniye |
| Cayê biyayışi | Iraq |
| Biyayış | |
| Merdış | |
| Cayê merdışi | Bashiqa(Recm ra merd) |
| İtıqad | Yazidism |
Kışiyayış
bıvurneVaciyao ke ju serê Yezıdi sıtar kerdo ae, emma bado ae keyey ho dao. Dua Xelil Eswed terefê keyey ho ra tepışiyawa. Hedise İraq de eyaletê Ninowa de, sûka Başika de vêrdo. Keye u serê eşirete qerar dao ki Dua Xelil Eswed recm bo, yani kerre u kemeran ver şaniyo u pê na qeyde bıkışiyo. Cıwamêrdan Dua Xelil Eswed berda meydanê sûke. Meydanê sûke de 1000-2000 miyan de merdum ameyê pêhetek.[5] Vaciyao ke Dua Xelil Eswed leke nao şeref u heysiyetê keyey ho ra. Tayê merduman kışiyayışê ho gırewto video. Video de yew veng esto ke, vano Şıma ae bıkışên. Cıwamêrdi 30 (hirıs) deqa a şanıta kerran ver. Heta yew mêrdeki jû kerraya gırde eşta cı. 30 deqa ra dıme Dua Xelil Eswed merda. Merdışê ae ra pey merdumi cenazay cı sûke de çarnawa. Merdumi kınc u kolê ae veto. Dıma meytê cı jû mezela kutıkan de dardo we.[6] Seba/Qandê nê cınayetê gırd u xofıni, dewletan zehf reaksiyon mot ra, kerd şermızar.
Referansi
bıvurne- ↑ http://www.dailymail.co.uk/news/article-452288/The-moment-teenage-girl-stoned-death-loving-wrong-boy.html
- ↑ http://www.aina.org/news/20070425181603.htm
- ↑ https://login.thetimes.co.uk/?gotoUrl=http%3A%2F%2Fwww.thetimes.co.uk%2Ftto%2Fnews%2Fworld%2Fmiddleeast%2Firaq%2F
- ↑ http://www.dailymail.co.uk/news/article-452288/The-moment-teenage-girl-stoned-death-loving-wrong-boy.html
- ↑ http://www.independent.co.uk/news/world/middle_east/article2519070.ece
- ↑ http://iwpr.net/oldsite/335541