Govende

Govende, yew reqıso berayiyo.

Govendê Zazayan wıni benê liste:

1) Xarpêt Diki: Govendanê Zazayan ra tewr nasbiyayiyo. Yew taqt gıran, yew taqtik cip kay beno.

2) Qerechor: Na Govende en zêder Dersim, Xarpêt u Bingol de kay bena. Hirê lıngi têverver de şonê, yew lınge peyser erciyena, merdım xo nat u bota dêmdano hên ravêr şono.

3) Verva Areyi: Govenda de zaf khana. Dormê Pilemoriye/Dersim de kaybena. Zey semahi kay bena. Cêniye u camerdi piya kay kenê. Têdıma reyê hetê raşti ser, reyê zi hetê çepi ser xo dêm danê wıni (heni) kay kenê. Qeçeki (domani) ke ena kay vênenê, vanê belka reqsê "Indiana"o.

4) Simsime: Hetê Dersimi de kay bena.

5) Varvara: Dersim de kay bena. Merdım verde, Be ushire/reute kaybena. Heşt ya zi zêde merdımi dimê jumini gênê hin têdıma be reqes şonê. Merdımê serveri vano "huy" uşira xuya derge reyê nati (raşti) ser dano merdımanê peyê xo ro, reyê ki doti (chepi) ser dano pıro. Merdımê peyêni zey helangoche têdıma bêstiyaiyê. Usira xo ki dest dera, nata ke uşira serveri amê, xo jê qalxani sanenê ver, eke pro megino. Kamci het ra ke uşira serveri amê, o heti ser xo verva uşira serveri seveknenê. Uşire ke ginê ju ro, o gereke vejiyo. Dêrsım de Varvara Silemanu zaf meşhura. Yew zi koma de xo esta.

6) Çepki: Varto, Xınıs de kay bena. Govend a (doğru) çep şono. Coka vano ey ra çepki.