Hedonizm namê doktrinio ke felsefe miyan de ca gêno, hetê şagırdê Sokratesi Aristippos ra vıraziyao. Aristippos verê İsay 435-355 miyan de cıwiyo u vato ke çiyê ra hes kerdış mutlaxo u heskerdış, çiyê ra tadgırewtış mutlax mane de hewlo. Gereke ke kerdışê merdumi, raya heskerdışi ra bıplaniyo, şiyayışê ke ra hes anê wa bıkeriyo. Gorey Aristipposi ra her fealiyetê teni, heskerdışi u şa u weşbiyayışi ra beno. Heskerdış oyo ke sebebê cıwiyayışio. Hes merdum keno merdum. Enformasyonê ke ma gênime, hissanê ma ra yeno. Aristippos vano ke gereke ke merdum dec u çiyo ke dec ano ra bıremayo. Dıma Aristippos, Epikuros ameo u vato ke roh ra heskerdışi, beden u fiziki heskerdış ra ver de maneno u konseptê Hedozimi hetê bini ra ardo.