Menuyê serêni ake

Hemcınsbaz ya zi homoseksualite oyo ke wexto ke tede merdum be hemcınsê xo ra hes keno ya zi kewno gıreya cınisiye, cı rê vaciyeno. Yanê hemcınsbaziye de cêniye cêniyan ra hes kena; eke mêrdek mêrdekan ra hes keno. No hal şınasiya (ilım) u psikolociye de normal vêniyeno, çiyo normalo.[1] Merdum be maya xo ra biyayışê xo, hirê wayirê hirê oryantasyonanê seksualan (yanê anciyayışo cınsi, cıns-ontene) beno; ya beno heteroseksuel, ya beno homoseksuel, ya beno biseksuel. Ninan teber de yew zi aseksuel esto.[2]

Dı mêrdekê hemcınsbazi

Oryantasyonê seksueli senên veciyeno, qey beno ewro ilım vano ke cênetiko, cênanê merdumi ra yeno. Yanê cıns u cınsiyetê merduman wexto ke merdum pıze maya xo dero, uca de belli benê.[3][4] Ham no zi zaniyeno ke şınasdar (ilımdaran) miyan de qararo esas çinıyo ke qey merdum hemcınsbaz beno.[5] Gore taê merduman, aktivitey hemcınsbaz tebiet teber de maneno, yanê verba tebieti dero u nêweşio fonksiyonelo[6][7]; la cıgeyrayışi mocnenê ke homoseksuelite seksê merduman de varyasyono pozitifo u varyasyono normalo ke çımeyê tesırê cıyo negatif çıniyo.[8][9]

Qandê homoseksuelan ifadekerdene, xeylê vatey vıraziyayê. Ornagên keyneke ya zi cêniya ke cêniyanê binan ra gıreya seksuel his kena, cı rê lezbiyen vaciyena. Mêrdeko ke mêrdekanê binan ra gıreya seksuel his keno, cı rê zi gey vaciyeno.[10]

Merduman teber de hemcınsbaziyeBıvurne

Merduman teber de, heywanan miyan de zi hereketê hemcınsbazi estê. Dıma cıgeyrayışan, cıgeyraoği diyê ke heywani zi şenê hemcınsbaz bê.[11][12][13][14][15] Theyrê dengızi (deryay), heywanê çıçıki de, meymun u primatan ra heywananê qıtekan ra, yew yelpazeo gırd miyan de homoseksualite aseno, esto.

BıvênênBıvurne

ReferansiBıvurne