J. Îhsan Espar

J. Îhsan Espar (b. 1956, Pîran) yew şaîr, nuştox û çarnayoxo kird o. Kirdki (Zazakî) ser o xeylê xebatê ey estê.

J. Îhsan Espar
Melumato şexsi
Cınsiyet	Camêrd
Cayê biyayışi	Piran
Biyayış	1956
Wendış	Stockholm University

Ciwîyayişê ey

J. Îhsan Espar, 1956 de Pîran de maya xo ra bîyo. Ey 1979 de Dîyarbekîr de Înstîtuyê Terbîyetî qedênayo. Kurdistan de yew demo kilm musnekarîye (melimîye) kerda. Sebebanê sîyasî ra menga nîsana 1982 de Kurdistan ra vejîyayo û şîyo İswec. Esparî unîversîteyê Stockholmî de tarîx û averşîyayîşê ziwanê ciwananê diziwanîyan û yê Gävle de zî îlmê cematkî wendî.

Hetanî ewro, kirmanckî, kirdaskî, tirkî û swêdkî xeylê nuşteyî ey pêseroke û rojnameyan de çap (neşir) bîy. Bi kirmanckî (zazakî, kirdkî, dimilkî) şiîrî û hîkayey nuştî û xeylê kitabê qican (domanan, gedeyan) çarnayî. 1997 ra hetanî 2011 redaksîyonê pêseroka Vateyî de xebitiya. 2001 ra hetanî ewro zî redaksîyonê Weşanxaneyê Apecî de yo. J. Îhsan Espar Grûba Xebate ya Vateyî reyra standardîzekerdişê kirmanckî (zazakî) ser o zî gurîyeno.

Kitabê ey

J. Îhsan Esparî bi kirmanckî (zazakî) kitabê şiîran û hîkayeyan nuştî û xeylê kitabê domanan (gedeyan) Swêdkî ra açarnayî kirmanckî.

Kitabê ke nuştê

• Tanî Estanikî û Deyîrê Ma, Çapa yewine Weşanên Rewşen, Berlin 1995, Çapa dıyine Weşanxaneyê Vateyî, İstanbul 2004
• Beyi Se Bena?, Weşanxaneyê Vateyî, İstanbul 2004
• Ferhengê Kırmanckî - Tirkî û Tirkî - Kirmanckî, çapa yewine 2001, çapa dıyine ya hirakerdiye: Weşanxaneyê Vateyî, Îstanbul, 2004 (No ferheng, Grûba Xebate ya Vateyî reyra amade kerdo.)
• Rastnuştişê Kirmanckî, Weşanxaneyê Vateyî, Îstanbul, 2005 (No kıtab, Grûba Xebate ya Vateyî reyra amade kerdo.)
• Dilopê Zerrî, Weşanxaneyê Vateyî, Îstanbul 2008

Kitabê ke tadayê (tercume kerdê)

• Beşîkçî, Îsmaîl, Çend gotin li ser ronakbîrên Kurd, Weşanên Rewşan, Bonn 1992 (Tirkî ra kurmanckî, J. Îhsan Espar & Amed Tîgrîs)
• Nordqvist, Sven, Dema Findo biçûk bû û winda bû, Weşanxaneya Apecê, Stockholm 2001 (Swêdkî ra kurmanckî)
• Defoe, Daniel, Robinson Crusoe, Weqfa Kurdî ya Kulturî li Stockholmê, Îstanbul 2005 (Swêdkî ra kirmanckî)
• Hugo, Victor, Notre – Damea Parîsî, Weqfa Kurdî ya Kulturî li Stockholmê, Îstanbul 2005 (Swêdkî ra kirmanckî)
• Wolde, Gunilla, Kreşa Emma, Weşanxaneyê Apecî, Stockholm 2007 (Swêdkî ra kirmanckî))
• Wolde, Gunilla, Tûte û Malîne, Weşanxaneyê Apecî, Stockholm 2007 (Swêdkî ra kirmanckî))
• Wolde, Gunilla, Emmaya Eksî, Weşanxaneyê Apecî, Stockholm 2007 (Swêdkî ra kirmanckî)
• Wolde, Gunilla, Tûte bi Pişê Kay Keno, Weşanxaneyê Apecî, Stockholm 2007 (Swêdkî ra kirmanckî)
• Wolde, Gunilla, Tûte Hurdî yo, Weşanxaneyê Apecî, Stockholm 2007 (Swêdkî ra kirmanckî)
• Löfgren, Ulf, Rindo kincanê xo şuweno, Weşanxaneyê Apecî, Stockholm 2008 (Swêdkî ra kirmanckî)
• Nordqvist, Sven, Xuşka min li ku ye?, Weşanxaneyê Apecî, Stockholm 2008 (Swêdkî ra kirmanckî)
• Olsson, Lotta & Jönsson, Maria, Morîs Berberî Het, Weşanxaneyê Apecî, Stockholm 2009 (Swêdkî ra kirmanckî)
• Olsson, Lotta & Jönsson, Maria, Morîs Merga Girde de, Weşanxaneyê Apecî, Stockholm 2009 (Swêdkî ra kirmanckî)
• Olsson, Lotta & Jönsson, Maria, Morîs û Serê Sibayî, Weşanxaneyê Apecî, Stockholm 2009 (Swêdkî ra kirmanckî)
• Olsson, Lotta & Jönsson, Maria, Morîs Keyeyî Ewnîyêno, Weşanxaneyê Apecî, Stockholm 2009 (Swêdkî ra kirmanckî)
• Anna-Clara û Thommas Tidholm, Ture Roşeno û Ewnîyêno, Weşanxaneyê Apecî, Stockholm 2009 (Swêdkî ra kirmanckî)
• Anna-Clara û Thommas Tidholm, Va Tureyî Hewa Fîneno, Weşanxaneyê Apecî, Stockholm 2009 (Swêdkî ra kirmanckî)

Gireyê teberî

• Diyarbekır de yew roja weşe Archived 2010-07-08 at the Wayback Machine