John Lennon (b. 9 Tışrino Verên, 1940, Liverpool, m. 8 Kanun, 1980, New York), yew muzisyeno İngılız biyo. Yew ezay gruba The Beatles biyo. Ma u piyê cı hewno ho dı serre beno se pêra abıriyenê. Ema cı o kerdo gırd. Maya ho serranê koleci de şınasneno. Lebelê maya xo serra 1958 qezay trafiki de merda. 1955 de xala cı ey rê yew gitar hediye kerdo. Ê serran de Paul McCartneya pê şınasnenê. Şıbate 1958 de Paul McCartney, George Harrison'i u Lennoni ano pê het u benê embazê pê. Grubê muziki saz kerden rê yenê pêser. Veri namey grube The Silver Beatles nanê pa. Dıme ra namey grube The Beatles nanê pa. 1960 de Ringo Starr beno tewrê grube. Serra 1969 de Yoko Onoya zewciyeno. Eyni serre grube ra abıriyeno. Xeylê seri muzik ra duri vındeno. 1980 de sûka New York City de otelo ke tede mendê, ê oteli vero be terefê Mark David Chapmani ra pê tıfınga kışiyao.