John Steinbeck


John Steinbeck yew nuştoğê sanıkan, romanan u senaryoyano. No Amerikanıco namdar, 1902 de 27ê Gucige de Kaliforniya de sûka Salinas de ame riyê dınya. 20ê Gağandi/Kanune 1968 de ki New York de merd.

John Steinbeck
John Steinbeck 1939 (cropped).jpg
Melumato şexsi
Dewlete Dewletê Yewbiyaeyê Amerika
Cınsiyet Camêrd
Cayê biyayışi Salinas
Biyayış
Merdış (Kaliforniya de merdo)
Cayê merdışi Harlem(Kemeyiya qelbi ra merd)
Wendış Universıteyê Standfordi û Salinas High School
Gure Nuştekar, senarist, war correspondent, Nuştekarê romani û nuştekar
Zıwani İngılızki
Hempar Elaine Anderson Steinbeck, Gwyn Conger û Carol Henning
Domani John Steinbeck IV û Thomas Steinbeck
Maye Olive Hamilton
Pi John Steinbeck
İtıqad Agnostisizm
İmza İmzaya cı

O be xo lacê jü aylea feqıre bi, piyê xo Prusya ra bi, maya xo ki keynay yew (jü) aylea İrlandayıca barkerdoğe (goçber) ra biye. İ ki zey hevalanê xo, domanin u gêncina xo de cıtkariye kerde.

Mabênê serranê 1920 u 1926 de Universitey Standfordi de wand, hama nêşkiya mektebe bıqedêno, perey xo çini bi. A waxt de, êrğatine, karkerine kerde. Cokao kıtabanê xo de raştiya karkeran zaf rınd arde jüan (zıwan), çıke be xo na kar u gure de zaf guriyay bi.

Kıtabê xo'yo sıftên Tortilla Flat (Mahleya Kınari) 1935 de çap bi u xeylê veng vet. Bado, 1936 de kıtabê xo'yê dıdine Dubious Battle (Qewğa Nemcete) veciya.1937 de Of Mice and Men (Merro be Mordeman ra) çap bi.

1939 kıtabê xo The Grapes of Wrath (Engurê Ğezebi) zaf bi namdar u 1940 filmê ni kıtabi sinema de onciya. Oncia na serre de, Steinbeck'i serba ni kıtabê xo Haletia Pulitzeri gurete.

Peyniye de, 1962 de ki Haletia Nobeli gurete. Çı hêf ke, hona qe jü kıtabê i nê açariyo zonê Zazaki.

Nustoğ John Steinbeck, wayirê Nobel u Pulitzeri
Commons-logo.svg
Arşivê Embarê Wikimedya de heqa John Steinbeck de vêşêri multimedya esta.