Kışiyayışê Samuel Patyi

Kışiyayışê Samuel Patyi, yew cinayeto ke tarixê 16 Kasım 2020 de be destê yew cıwanê Çeçenê des u heşt (18) serri Conflans-Sainte-Honorin de Paris de ameo kerdış. Samuel Paty be destê Çeçeni ke 12 serri ra ver ameo Fransa kışiyao u serey ey bırniyao.

Kıştoği, namey ey Abdoullakh Abouyedovich Anzorovo, Samuel Paty be kardia 30 cm kardi kerdo. Dıma serey ey bırnao. Fotoğrafê serey Samueli anto, hesabê xoê twitteri sero pay kerdo. Qetlê Patyi ra têne daqay tepeya kıştoğ tepışiyao u kışiyao. Paty dersa huriyetê ifada de Charlie Hebdo qal kerdêne musaoğanê xo u asayışê (fotoğraf) peyğamberê dinê İslami Mıhemmedi motêne. Cokao ke waşto ke fotoğrafê Mıhemmedi bımoto, vato ke embazê mısılmani şenê şorê teber eke nêwazenê bıkewê derse.^[1]^[2]^[3]

Semedê mısılmanan asayışê Mıhemmedi gunao.^[4] Pêrê (piyê) yew musaoğê mısılmani medya sosyale (YouTube u Facebook) sero o gerê kerdo, adresê musnekari dao cı u o kerdo eşkera. Heni zi merdımi ardo yewca, mobilize kerdo.^[5]

Kıştış

Merdımi be pankardê asayışê Patyi.

Dersa Patyi ra yew hefte tepeya, tarixê 16 Kasım 2020 de, kıştoğ Anzorov teberê keyberanê mektebi de pawıto u musaoğan ra waşto ke key Paty veceno bımotê. Paty mekteb ra bırriyo a, o şiyo peyê Patiy. Anrozovi yew kardia be dergiya 30 cm guriyo, Paty kışto u serey ey bırnao. Dıma zi serey, lınge u siney ey zi bırnao, zaği anti. Merdımê ke o diyo, vatê ke key ke ey Paty kışto, vato Allah Ekber.^[6]

Kışiyayışi ra tenê daqay dıma qetıl be pseudonymê @Tchetchene_270, twitteri sero asayışê (fotoğrafê) serey Patyi ke kışiyao, pay kerdo. Bınê asayışi nuşto ke "be namey Allahi, o ke wayirê merametio, Macron (moteno reiscumhurê Fransa), serey kafiran, mı yew kutıkê cahnemi ke Mıhammedi rê nengi çınay kışto."^[7]

Kıştoğ

Kıştoğ, Abdoullakh Abouyedovich Anzorov, des u heşt serri biyo, rıçıkê keyey xo Çeçenya ra biyo u Moskowa de biyo.^[8]^[9] Uca yew eyaletê Rusyao ke mısılmani tede zafo, zımey Kofkasi sero ca gêno.^[10]

Keyey Anzorovi des u dı serri ra ver keyey xo berdo, kırışto Fransa. O zeman kıştoğ şeş serri biyo.^[11] Keyey xo semtê Normandy ê Évreux de, 100 km dûriê Parisio, weşiya xo ramıtêne.^[12]^[13]

Reaksiyoni

Reiscumhurê Fransa Emmanuel Macroni vato ke no kıştış, "yew gureo tipiko ke terorizmo İslami şeno bıko", u dewam kerdo "insanê ma, semedê ke waşto ke xoseriya ifada ra qal kero, kışiyao. Huriyetê ifada zi kışiyao."^[14]

Kışiyayışi ra tepeya mılet veciyo teber, pankardê #Je Suis Prof u #Je Suis Enseignanti, yani "êz musnekaro (malımo)" gırewto xo dest, no qetlkerdış protesto kerdo.^[15]

Referansi

[1] ttps://www.reuters.com/article/france-security-school-parents-idINKBN27201Z

[2] ttps://apnews.com/article/france-teacher-decapitated-eragny-f1ecd575344d171ff8fc8c33c5320f0c

[3] ttps://www.theguardian.com/world/2020/oct/17/teacher-decapitated-in-paris-named-as-samuel-paty-47

[4] ttps://www.reuters.com/article/france-security-school-parents-idINKBN27201Z

[5] ttps://www.bbc.com/news/world-europe-54581827

[6] ttps://news.sky.com/story/france-terror-attack-47-year-old-decapitated-in-paris-suburb-named-as-teacher-samuel-paty-12105885

[7] ttps://www.politico.eu/article/france-teacher-beheading-9-arrests/

[8] ttps://www.parismatch.com/Actu/Societe/Prof-d-histoire-decapite-l-assaillant-etait-un-Russe-tchetchene-de-18-ans-ne-a-Moscou-1707848

[9] "Archive copy". Archived from the original on 2020-10-17. https://web.archive.org/web/20201017214428/https://alkhaleejtoday.co/international/5120090/the-18-year-old-killer-who-was-shot-was-a-refugee.html.

[10] ttps://www.foxla.com/news/suspect-in-french-teachers-beheading-was-chechen-teen-police-say

[11] ttps://ewn.co.za/2020/10/17/france-beheading-suspect-had-no-links-with-russia

[12] ttps://www.scmp.com/news/world/europe/article/3105972/france-beheading-suspect-posted-claim-responsibility-and-photo

[13] France teacher attack: Suspect 'asked pupils to point Samuel Paty out' |url=https://www.bbc.com/news/world-europe-54581827

[14] ttps://www.freepressjournal.in/world/our-compatriot-was-killed-for-teaching-children-freedom-of-speech-french-president-macron-over-beheading-of-teacher

[15] ttps://actu.orange.fr/france/je-suis-prof-apres-l-horreur-une-vague-d-hommages-au-professeur-assassine-dans-les-yvelines-magic-CNT000001ubIyX.html

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]