Lady Gaga

Lady Gaga
Lady Gaga
Melumato şexsi
Dewlete	Dewletê Yewbiyaeyê Amerika
Cınsiyet	Cêniye
Cayê biyayışi	Lenox Hill Hospital
Biyayış	28 Adar 1986
Wendış	Convent of the Sacred Heart, Collaborative Arts Project 21, New York University Tisch School of the Arts, Lee Strasberg Theatre and Film Institute, Johns Hopkins Center for Talented Youth û Circle in the Square Theatre School
Gure	Muzisyen û deyırnuştoğ
Fıkır	Partiya Demokratike
Zıwani	İngılızki
Enstrumanê cınıtene	Piyano û Vokal
Maye	Cynthia Germanotta
Pi	Joe Germanotta
İtıqad	Xıristiyaniye
Şar	Italian Americans û French Canadians
Keyepele	ladygaga.com
İmza

Stefani Joanne Angelina Germanotta (Adar 28,1986) yew senatkara Amerikana. Lady Gaga New York de ameya riyê dınya. Ebe albumê xo The Fame biya namdare. Lady Gaga hem Dewletanê Amerikayê Yewbiyayeyan de hem zi dınya de zaf namdara. Lady Gaga eslen İtalyana. Album û şerqiyê xo Dewletanê Amerikayê Yewbiyayeyan, Kanada, Awıstralya, Britanya Gırde û dewletanê Ewropayê binan de biyê yew numre. Universita New Yorki de wendo. Cıwiyayışê xoyo senatkariye rê Manhattan de dest pey kerdo. Raveri, qıseyê şerqiyan nuştê. Naye ra dıme biya be embaza Akoni û Akon gruba xoya muziki Konvict Muzik rê kerdo ilawe.

Cıwiyayış û kariyerê xo

Lady Gaga serra 1985ıne de be namê Stefani Germanotta ameya dınya. Namê piyê xo Josepho, namê maya xo Cynthiaya. Ma û piyê xo eslen İtalyano.^[1] Lisa Katolikan Convent of the Sacred Heart de wendo û tiya ra biya mezun. Yew demecê xo de heqa xo de vat: "Wexto ke mı lisa de wendêne, ez yew wendışkara de disiplınıne û karkerıne biyan."^[2] Bahdo şiya Universita New Yorki û tiya de heqa muzik, din, sosyolociye û siyaset de tehsıl diyo. Ema no universita terk kerdo û kariyerê xoyo muziki rê dewam kerdo. Ebe Rob Fusari ra biya embaz û Rob Fusari biyo produkturê xo. Raveri Rob Fusari fıkır kerdo ke namê Stefani Germanottaye wa Radio Gaga bıbo û Stefaniye rê telefon kerdo û vato "namê to wa Raido Gaga bıbo, ema Lady Gaga no namê zey Lady Gaga fam kerdo û namê xo biyo Lady Gaga".^[3]

Heta nıka Lady Gagaye hirê albumi çap kerdê. Tewr verên, serra 2008ıne de albumê xoyo tewr verên The Fame Monster çap kerdo. Lady Gaga ebe nê albumi ra zaf biya namdare. Şerqiyê xoyê namdari zey Telephone, Poker Face, Bad Romance, Alejandro û ê bini, nê album de ca gırewtê. Lady Gaga nê albumi de ebe tayê senatkaran zey Beyoncé û Rihanna duet kerdo. Bad Romance nê albumi de şerqiya de tewr namdare biya û 500 milyon ra zafêr kesi klibê na şerqiye seyr kerdo. Bahdo albumê xoyo dıyıne Born This Way çap kerdo. Şerqiya ke Lady Gaga nê albumi ra tewr verên çap kerda Born This Way biya. Bahdo Judas çap kerda nê albumi ra. Judas zaf biya namdare û terefê 150 milyon ra zafêr kesan ra Youtube de seyr biya. Born This Way û Judas ra dıme şerqiya xo You and I (Tı û Ez) û The Edge of Glory (Dormeyê Zaferi) rê klib anto. Tewr peyên a şerqiya xo Marry The Night (Veyve ebe Şan) serra 2011ıne de çap kerda.^[4]

Ewro Lady Gaga semedê albumê xoyo hirıne kar kena. Lady Gaga Tebaxe 2012 de vato ke namê albumê xoyo tewr verêni ARTPOPo.^[5] Lady Gaga nê albumi de ebe Elton Johni ra duet kerdo. Lady Gaga Şubate 2013 de biya nêweş û konser û karê xo rê qediyayış dayo.^[6]