Marilyn Monroe (b. Heziran 1, 1926 Los Angeles; m. Tebaxe 5, 1962 Los Angeles) jû kayker, model, produktor û muzisyenaAmerikane biya ke serra 1926 de suka Los Angelesi de marda xo ra biya. A pê namê Marilyn Monroei ra şınasiyena. Seserra 20. de sembolê seksi û ikonê popi miyan de cay xo gırdo. Ay raveri rolê qıteki de kay kerda, dıme ra filmê Gentlemen Prefer Blondes, How to Marry a Millionaire, Some Like It Hot û The Seven Year Itch de rol gırota. Aye, serranê 1950 û 1960an miyan de, zaf biya namdare. Verê şari de aye zaf şa asayenê hema heto bin ra cıwiyayışê xo zey namdariya xo nêbiyo. Serrê 1950iê peyêni de nêweşiya xo veciya. Psikolociya xo biya xırabe, aye hiri kez şiya xestexane; kowta merkezê rehabilitasyoni ra. Marilyn Monroe, tewr peyêni serra 1962 de sate 04:52 de kışta xo ra û merda. Sebebê itiharê xo, xeylê hapi şımiyayışo. Dıma otopsi, vaciyao ki Monroe dozo berz de ilacê Barbiturati şımıta, dıme xo kerda vıni ra û merda.
