Meqale (be Erebki: مقاله ) namey yew tewrê nuşteyiyoo ke heqa yew xısusi de melumat dano u ğezeta u rocnamey de çap beno. Meqale de nuştekaro meqale, heqiqet ebe raya zanışiye ra, seba mıdefakerdış kar keno. Meqale miyandê nuştey fikiri , nuşteyo de tewr zoro. Meqale ebe zıwano zanışiye ra nusiyeno u uslubê cı pêro de ciddi beno. Esasê meqaley de musayış esto u no sebeb ra nuştışê meqaleyan de nuştekari zıwano asen u zıwano ke semede musayış zor niyo, inan tercıh keno. Meqale de yew plano de nuştışi esto. No plan de qısımê Akerdış, Qısımo esas/Herakerdış u Veciyayış estê. Akerdış qısımo meqaleyo tewr verênio. No qısım de zerrêkê nuşte de tayn melumati-dayış esto. Qısımo Esas de nuştekar se qısey-kerdene wazıno, heqa o hısus de fikırê xo raya derg ra nuseno. Veciyayış de nuştekar nuştey xo ra yew xulasa keno u heqa nuştey cı de hukımo xoyo tewr peyên dano. Qısımo Akerdışi u qısımo Veciyayışi pêro de yew paragraf ra yeno meydan. Qısımo esas yew ya zafêr paragrafi ra yeno meydan. Rıstımê meqale, Literaturê Ewropay ra yeno u ebe ğezeta ameyo Literaturê Usmanıcan u literaturê rocvetışıcan. Literaturê Usmanıcan de Muqaddime, meqaleyo de tewr verêno u terefê Şinasi ra nusiyao. Ewro zaf ğezatey u rocnamey de meqale terefê zaf nuştekaran ra nusiyeno u çap beno.

Meqale beno dı letey;

  • Meqaleyo edebi : Meqaleyo ke tede heqa zıwan, literatur u senat de nuşte esto. No meqaley pêro de rocnamey de çap beno. Seba meqaleyo edebi nuştene, ilmo akademiki rê gerek çıniyo. Meqaleyo Edebi, no hete ra Fıkra ra nezdiyo.
  • Meqaleyo ilımi : Meqaleyo ke tede heqa zanışiye de zey tıb, ekonomiye, sosyolociye nuşte esto. No meqaley pêro de rocnamey de çap beno. Seba meqaleyo ilmi nuştene, ilmo akademiki rê gerek esto.