Parpar

Parpar ya ki pırpar ya ki pumpar ya ki pımpar (be Ermenki: pʿarpʿar փարփար, be Farski parpahan پرپهن, be Tırki: semizotu, be Almanki: Portulak), yew vaşo ke bostanan de, hêgayan de, tuman de erd ra beno, weriyeno. Kenê wertey germia qatığıne ya ki cacıği. Eke bi qert, çıçeg dano; kêşıtê çıçegan zafê. Toxımê xo werdiyê, zaf zêdiyeno, merdum nêşeno ver bıgêro. Wesari, peyniya Gulane, serê Hezirane veciyeno, dı mengi (aşmi) heta Tebaxe (Amnania Peyêne) anceno. Eke bi qert ki weriyeno.

Parpar

Qelb rê rındo, yew ki ernesi (henıjk, zend) de sole biye arê, ae rê ki rındo ke sole keno ağme (vıla).

Eslê qısey

Gorey Dianokoff (1985: 599) eslê nê qısey resena Akadki ya ki Hurriki, oyo Mekertchyani çıme dekerneno. Labelê Farski parpahan پرپهن ra ki beno ke elaqay cı bıbo.