Parazit (film, 2019)
Parazit (pê İngılızki: Parasite, pê Koreki: 기생충; Gisaengchung), yew filmê Koryao ke serra 2019 de anciyao. Janrê filmi mizaho siyao u macerao. Senaryoê fimli pê destê Bong Joon-ho u Han Jin-won nusiyao. Kaykerê filmi zi Song Kang-ho, Lee Sun-kyun, Cho Yeo-jeong, Choi Woo-shik u Park So-damê. Film wayirê mıkafatê Oscario, serra 2019 de filmo tewr weş, direktoro tewr weş, filmo internasyonalo tewr weş, senaryoyo tewr oricinal gırewtê. Tarixê Oscari de filmo verêno ke İngılızki niyo u mıkefatê Best Picture gırewto. [1][2]
| Parazit | |
|---|---|
| Afiş | |
_director_and_cast_in_2019.jpg) | |
| Şınasiye | |
| Tewrê filmi | Filmê drama, Filmo komedi, black comedy û thriller film |
| Zıwan | Korean |
| Dewlete | Korya Veroci |
| Demê vetışi | |
| Direktor | Bong Joon-ho |
| Senarist | Bong Joon-ho û Han Jin-won |
| Kaykeri | Song Kang-ho, Lee Sun-kyun, Cho Yeo-jeong, Jang Hye-jin, Choi Woo-shik, Park So-dam, Jung Ji-so, Lee Jung-eun, Park Myung-hoon, Park Seo-joon û Jung Yi-seo |
| Editor | Yang Jin-mo |
| Vıraştoğ | Bong Joon-ho |
| Distributor | CJ Entertainment |
| Domnayış | 132 Deqiqe |
| Cay Serameyi | Korya Veroci |
| Reng | Rengın |
Filmi verapeyê (reaksiyon) weşi gırewtê, kritikê filmi yani tenkidê filmi zafêr hew biy. Filmi dınya sero 121.8 milyon dolari hasılat kerdo u kışta hasılati ra filmê Bongio yewın biyo. Kışta bine ra tarixê Koryay Veroci de zi miyanê filman pê hasılatanê tewr zafan ra yew biyo.[3] Film hetê Rocnamey Timei ra yewê filmanê serra 2019iê tewr hewlan ra çıniyao we.[4]
Zerrek
bıvurneKim Ki-taek, cêniya ey Chung-sook, lacê ey Ki-woo u keyna ey Ki-jeong hetê qati ra bınê herre de yew keyey de weşiya zo rameno, pêrodayış bê heyati dano cı. Embazê Ki-woo ke şıno teberê dewlete yew kerra şansi dano cı ke inan zengın kero. Embaz dersa zıwanê İngılızki dano keyna yew keyey zengıni. Cokao ke şıno teber, gırwey xo dewır keno Ki-woo. Ki-woo dest pêkeno ders bıdo ae. Dıme ra pê kayanê baqılıni waya xo zi gêno zerrey keyey u malımê dersa resımi keno, piyê xo gêno zerrey keyey u şofori keno, tewr peyên de maya xo zi gêno zerrey keyey ke werdê keyey kero. Hıni zi keyey feqıri pêro piya xo gêno miyanê zerrey keyey zengıni.
Keyeo feqır miyanê zerrey keyey zengıni weşiya xo rameno, zey parazit yani kermi oca weno, şımeno. Labelê tewr peyên de nê kayê inan veciyeno miyan u reyna benê feqıri.
Kaykeri
bıvurne- Song Kang-ho - Kim Ki-taek,
- Jang Hye-jin - Kim Chung-sook, cêniya Ki-taek,
- Choi Woo-shik - Kim Ki-woo, lacê Ki-taeki,
- Park So-dam - Kim Ki-jeong, keyna Ki-taeki,
- Lee Sun-kyun - Park Dong-ik, CEOê şırketi
- Cho Yeo-jeong - Park Yeon-gyo, cêniya Dong-ik
- Jung Ji-so - Park Da-hye, keyna Dong-ik
- Jung Hyun-joon - Park Da-song, lacê Dong-ik
- Lee Jung-eun - Gook Moon-gwang
- Park Myung-hoon - Geun-sae
- Park Geun-Rok - Şofor Yoon
- Jung Yi-seo - Mudurê marketê pizzac
- Park Seo-joon - Min-hyuk[5]
Çımey
bıvurne- ↑ https://oscar.go.com/winners
- ↑ https://www.ntv.com.tr/galeri/sanat/oscar-2020-odullerinde-en-iyi-film-parazit-secildi-iste-92-oscari-kazananlarinin-tam-listesi,s781P81uhECODH6FsU8hFg
- ↑ {https://www.thewrap.com/parasite-sets-new-record-for-director-bong-joon-ho-at-indie-box-office
- ↑ https://time.com/5737103/best-movies-2019
- ↑ https://entertain.naver.com/now/read?oid=609&aid=0000047869