Eno nuşte teyna melumat dano cı!
Zerrekê nuştey doktori nêvato ya zi tewsiya nêkerdo.

Qanserê çıçey, qansero ke çıçe de veciyeno. Her cênıke gere aşmêde dolımê çêde xo bı xo xo qontrol kero; ebe destanê xo çıçıkanê xo rındek saê kero. Eke gorê aşma veri ferqê kewto kar, cênike ebe xo po heşarbena. Eke ferq kewto kar, gere tafte şoro tıxtor. Cêniyê ke biye çewres serre, gere serre de dolımê şorê tıxtor, cêniyê ke vêrdê pancas serran ra, gere her serre mıheqeq şorê tıxtor u momagrafiye bıdê antene. Cêniy ke rew rew şorê kontrol, eke rew po heşarbê, qanserê çıçıkan zaferi êno weşkerdene. Verê ninan pêrine, gere cêniy werdena xo qife bıcêrê. Zado gıran û zaf ronın nêwerê, alkol meşımê, eke qelewê taê kilo waro dê, hefte de hirê-çar saati rae ra şorê, egzersızan bıkerê, zafêri tar û meywe burê, vitamin-C kêmi nêkerê.[2]

Dınya ser de qanserê çıçey, serra 2004. [1]
  no data
  <2
  2–4
  4–6
  6–8
  8–10
  10–12
  12–14
  14–16
  16–18
  18–20
  20–22
  >22

Qanserê çıçey de faktorê riski bıvurne

  • Cêniyê ke vêrdê 50 serran ra, gorê ê bınê 50 serran taina zaf riskê xo esto
  • Cêniyê ke çê xo de / mordemanê xo de qanserê çıçıkan veciyo, gorê ê binan riskê xo taina berzo
  • Cêniyê ke derguşê xuyo nuxri 30 serran ra dıme ardo, ya ki cêniye ke qe doman niyardo, riskê xo taina zafo
  • Cêniyê ke alkol şımenê, gorê êyê ke nêşımenê, riskê xo dı qati berzo
  • Cêniyê ke rew şonê caê cêniyan ser (rew edet vinenê) û herê kunê menapoz, riskê xo hebêna zêdero
  • Cêniyê ke çıçıkê xuyo jû qanser gureto pey co biyo weş, riskê çıçıkê bini û qanser ki berzo
  • Alaqa cığara şımıtene û qanserê çıçıkan rınd kıfş nêbena, feqet seba weşiye ra gereke cavırdiyo

Kışfbiyayışê qanserê çıçey bıvurne

  • Çıçık de dı hefte ra zêderi sertêni ya ki gulpıkê ênore destê insani
  • Çermê çıçıki beno qalınd, moseno ya ki rengê xo vurino
  • Serê çıçıki beno qalınd, beno ra sûr ya ki serê xo beno khul
  • Çıçık ya ki serê çıçıki verva zerri oncino
  • Şıklê çıçıki vurino
  • Serê çıçıki dêrmaşt vındeno (yanê gorê veri, hetê bini ser vındeno)
  • Serê çıçıki ra ağwe êna

Referansi bıvurne

  1. "WHO Disease and injury country estimates". World Health Organization. 2009. http://www.who.int/healthinfo/global_burden_disease/estimates_country/en/index.html. Retrieved 11 November 2009. 
  2. http://www.zazakikozmos.com/gel-c-nya-qife-qanser-cicika-roj-bi-roj-beno-vila/303/