Sêvan Nışanyan
Sêvan Nışanyan, (Ermenki: Սեւան Նշանեան, 21 Kanun 1956, Estamol) cıgeyraoğ u nuştekar u hotelyer u zıwanzanê do Ermeniyo.
| Sêvan Nışanyan | |
|---|---|
_(cropped).jpg) | |
| Melumato şexsi | |
| Dewlete | Tırkiya |
| Cınsiyet | Camêrd |
| Cayê biyayışi | Estanbol |
| Biyayış | |
| Wendış | Universıtey Yale, Universıtey Kolumbiya, Robert College û Private Armenian School of Pangaltı |
| Gure | Nuştekar, zıwanşınas, cıgeyraoğ, rocnameker, etymologist, lexicographer, onomastician û toponymist |
| Zıwani | Tırki û Ermenki |
| İtıqad | Ateist |
| Şar | Ermeni |
| Keyepele | www.sevannisanyan.info |
Ceza u hepıs u fırar
bıvurneMehkemey Nışanyan riyê “xerrepıtena mori” ra şana cezay hepısi ver. Nışanyan serra newiye ra aver ke seba seyahetê kılmi şi bi bacarê Berlini, anci geyra a Estambol, 02.01.2014ıne de be xo şi hepısxaney qezay İzmiri, Torbali de teslim bi.
Serra 2008ıne de, sinorê dewa Şirincey de eraziyo ke ey sero tapukerdeo, tede zeytunêran miyan de xorê qurç ra banê dê 60 m² vırazeno, qaşo bêizne! Aver dêsê, hetê dewlete ra yeno mor kerdene, inşaet dewam keno; tepeya yenê, dêsê bini mor kenê. Noyo ke dı rey dı serri cezay hepısi rê biyo mal, banê do kemerên veciyeno meydan. Dewa „Matematik“i miyan de, zerrey tağa (mehlay) „Felsefe“y de no qulıko 60 metrekaroên şagırdan (teleban) rê vıraşto. Heqa Nışanyani de hewna 17 dewey dewam kenê. Pêro pia 24 serri cezay hepısi wazenê bıdarê ro cı; zafine idiay mehkemey ra gore inşaetanê bêiznan ra.
Nışanyani 14ê Temuza 2017ıne de hepısxane ra ke veciya izne, fırar kerd, rema Adey Samosi, Yunanıstan. Ey heme mordemê ke bêheq u bêhıquq kewtê zerre, xoseriya inan waşte.[1]. Nıka Samos de ki projey cı hetê turizmi u mimariye u zıwanşınasiye ra estê. Aşma Hezirane de ey Samos de yew pêseramayışê zıwanşınasiye ard pêser. Zıwanzanan amey u be gıraniye Tırki, Zazaki u zıwananê binan sero qısey kerd.
Şirince u mekteb u dezegehê ke ey vıraşti
bıvurneŞirince verênde jû dewa koy biya, Uruman ra menda, pê goni u ğeyretê S. Nışanyani vist serre ra raver be xanıma xoya a çaği Mijdane (Müjde) ra pia arda halo henên ke, ewro a mıntıqa turizm de cayanê tewr mıhiman ra jûya. Ey nê ban u dezgehê ilm u senate daê vıraştene: Jû dewa Matematiki, yew Medresey Tiyatroy, yew mektebê felsefey, yew enstitüyê arkeolociye.
Zazaki sero nuştey ey
bıvurneNışanyani zıwanê Tırkiyê hemçaği sero ki kıtabê dê etimolociye, kokê qısanê Tırkiyê Anadoliye sero vet, internet de ki no qısebendê etimolociye yeno diyene www.nisanyansozluk.com. Oyo ke heqa xeylê zıwanan de wahêrê zanayışio, elaqa mocneno zıwananê İrankiyan ki. Serra 2009ıne de, ğezetay Tarafi de, estûna xo de be hirê rêzan (dizi) namey “Zaza I, II, III” ra Zazaki sero nuşt. Ey be taê delilanê zıwaniê ilmiyan Tırkiya de hometê da hirae rê ard çım ver ke zıwananê İrankiyan miyan de, kaleka Farski, Kurdki, Beloçki uêb. de Zazaki nê zıwanan de jû grube dero, labelê zıwanê do xosero u lehcey zıwanê niyo. Do dıma tenqid u lomê ke hetê Kurdanê mıliyetçiyan ra cı rê ameyê, sero vat, "asmên rıciya mı ser."
İnternet de cı rê sond u tehdidi
bıvurneFıkranê xo din u itıqati ser, êyê ke pela eya blogi de veciyay ya ki televziyon de vati; Nışanyani, vera çımê dınya, aşkera kıfr u nengi, sond u laf u gefê tewr qefçıl u irqçi u tehdidê kıştene werdi ke haşa şıma ra kutık tukê xo rışneno.
Kıtabê ey
bıvurne- Yanlış Cumhuriyet / Atatürk ve Kemalizm Üzerine 51 Soru, Kırmızı Yayınları, 2008 ISBN 975-9169-77-0
- Sözlerin Soyağacı: Çağdaş Türkçenin Etimolojik Sözlüğü, genişletilmiş ve gözden geçirilmiş 3. Basım, Adam Yay. 2007 ISBN 9754188684
- Küçük Oteller Kitabı (Türkiye'nin en Güzel Küçük Otelleri), Boyut Yay. 1998 .... 2008 (her yıl), ISBN 975-521-376-7
- Ankara'nın Doğusundaki Türkiye, Boyut Yay. 2006 ISBN 975-23-0196-7
- Elifin Öküzü ya da Sürprizler Kitabı, 2002 ISBN 975-418-744-4
- Meraklısı için Karadeniz, Boyut Yay. 2000 ISBN 975-521-378-3
- Herkesin Bilmediği Olağanüstü Yerler, Boyut Yay. 2000 ISBN 975-521-377-5
- Mavi Kıyılarda Yeme İçme Sanatı, Intermedia 1998,ISBN 975-7143-23-5
- American Express Guide: Prague, Mitchell Beazley (London) 1993.
- American Express Guide: Vienna and Budapest, Mitchell Beazley (London) 1992.
- American Express Guide: Athens and the Classical Sites, Mitchell Beazley (London) 1990.
- Karl Marx: Grundrisse, Ekonomi Politiğin Eleştirisi için Ön Çalışma (çeviri), Birikim Yay. 1979; 2. basım İletişim Y. 2008.
- Kelimebaz-I, Everest Yayınları 2009.
- Adını Unutan Ülke (Türkiye'de adı değiştirilen yerler sözlüğü) Everest Yayınları 2010.
- Şirince Meydan Muharebelerinin Mufassal Tarihçesi Everest Yayınları 2011.
- Turkey (Travel Bugs), Sevan Nisanyan (Author), Bina Maniar (Author), Emma Tan (Author), Aileen Lau (Author) , Macmillan General Reference (October 1993), ISBN-10: 067187909X, ISBN-13: 978-0671879099
- Aslanlı Yol, Liberte Yayinlari 2012.