Tuareg şarê do Berberkiyo ke Burkina Faso, Cezayir, Libya, Mali u Nicer dı cıwiyeno, zıwananê Berberki qal keno. Amarê inan 2,5 milyon ra nezdiyo. Tuaregi dı letan ra yenê pêra, letey zımey çolanê zımey Afrika dı cıwiyeno. Letey veroci zi miyanê Afrika dı step u savanna dı cıwiyeno. Ahaggar u Azcer, veroc dı zi Asben, İfora, İtesan, Avellimiden u Kel Tademaket eşiranê Tuareganê. Tuaregê veroci vêşêr dewe resnenê cı, kenê pil u roşenê Tuareganê zımey.

Cayê Tuaregan

Şarê Tuaregi şarê do patrartik niyo, yani cêniy u camêrdi yewbinan ra zaf nêabırriyenê. Her camêrdê Tuaregi teyna yew cêniya ra zeweciyeno, yani yew ra vêşêr cêniye gırewtış weş nêvêniyeno. Yew zi inan miyan dı camêrdi riyê xo padanê.