Vatebend (ya zi qısebend, vatename u zıwano kıhan de Erebki ra luğat) esero nusiyayeyo ke rıçık u arezekerdış, vatış, nuştış u guriyayışê vateyan tede estê, cı rê vaciyeno. Vatebendşınasiye rê leksikografiye vaciyena, kamo ke vatebend nuseno, cı ra zi leksikografır vaciyeno. Vateyê yew zıwani senên nusiyenê, senên guriyenê, senên waniyenê u kamca ra ameyê zıwan miyan, heme inan vatebend gêno xo miyan.

Yew vatebend

Vatebend pêro Zazakiyo. Vate vatış, vatene ra yeno u be bendi ra piya beno vatebend, çiyê ke vatey ey sero nusiyay oyo vatebendo. Yew zi qısebend esto, Erebki ra qıse (vate) u be bendi ra piya beno qısebend.