Xozê yabani

Xozê yabani
Sınıfkerdışê şınasiye
Homete:	Animalia
Şube:	Chordata
Lızge:	Mammalia
Ezbete:	Artiodactyla
Kom:	Suidae
Cıns:	Sus
Tewri:	S. scrofa
Nameyo bin
Sus scrofa Linnaeus, 1758

Xozê yabani (Sus scrofa) ya zi be namey Xozê Ewropaê yabani, yew ganiyo ke keyey xozan rao, cayanê zey Ewropa (teberê İskandinawya), Ewrasya u zımey Afrika u tayêna zi adey verocê qıtay Asya de cıwiyeno. Merdıman xozê yabani be xo berdê cayanê dûran, wıni zi habitatê xozanê yabanan kerdo hira. Coka xozê yabani dınya sero keyey çıçıkınan ra tewr ganiyanê cayanê hiran de cıwiyaeyan ra yewo. Dı u het miyan dê leyrê yew mahwiye (xoza maykiye rê vanê mahwiye) benê. Key kudıki (leyrê xozan rê vanê kudık) benê şeş aşmi, muyê inan veciyenê. Leyrê maykiy şeş u heşt aşman de şena leyr do cı.

Xozê yabani zey keyan weşiya xo ramenê. Yew keyey xozanê yabanan de pancês u vist (des u panc u vist) xozi benê u ê pêro piya cıwiyenê. Êlkaney (xozê neri rê vanê êlkane) tek teyna demê biyayışê leyran rê yenê nezdiyê keyan, dıma zi ageyrenê cayê xo. Coka yew keyey xozanê yabanan de mahwiy, gênci u leyri estê.

Namekerdış

Xozê yabani zey xozanê keyey niyê. Merdımi xozanê yabanan seyd kenê, postıkê xozanê yabanan gênê, roşenê. Goştê xozi dınya sero tewr goştanê namdaran ra yewo, merdımi goştê xozi zaf wenê. Tayê bazırganan zi xozanê yabanan seyd kenê, goştê cı roşenê.

Terminolociya têversanayışê seydkerdışê xozanê yabanan gorey namey xozan be serrê inan Zazaki de:

Name	Serre	Asayış
Kudık	0–10 mengi
Leyr	10–12 mengi
Xoz	3+ serri

Xozi mêşe, bırr, vaş, çol, ko u cayê zey ninan, her ca de cıwiyeni. Xozi vaşan ra hete heywananê qıtekan, her çi weni. Dışmênê xozan zi leopari, qaplani u goştwerê gırdê.