Menuyê serêni ake
Yahya. Joan de Joanes. 1560

Yahya (be Erebki: يحيى بن زكريا, be İbranki: יוחנן המטביל, be Latinki: Ioannes Baptista, be Yunanki: Ιωάννης ο Βαπτιστής) Cıhudo ke zemanê İsayi de weşiya xo ramıta u peyğamber vêniyeno. O lacê Zekeriyao. Xıristiyanan miyan de Yahyao Weftizkerdoğ vaciyeno u pil vêniyeno. Yahya terefê Mısılmanan Sâbiyan (Mandenistan) u Behaiyan ra zi peyğamber qebul beno. Ehdê Neweyi de, İncilê Matta, Markos, Luka u Yuhanna de, Qurane de u nuşteyanê Behaiyan de zi teyid yeno kerdene. Vaciyeno ke ey İsay ra tepeya serra vist u hewtıne de Royê Şeriay de İsay firaz kerdo, waftiz kerdo.