Êrışê Parisi 2015

Êrışê Parisi namê êrışiê ke teroristan Paris de vıraştê. Tışronê Peyên 13 de sat 21:16 de êrışi sıfte kerdê u Paris de mıntıqanê yewıne, dıyıne, des u yewıne u Stadyumê Fransa hedefê êrışan vıraziyayê. Hukmatê Fransa akerdenayış kerdo ke Tiyatroyê Bataclani de basqınê rehıngırewtışi vıraziyao, dormey paytext Paris de tewr senık şeş (6) basqınê çekdari u hirê (3) êrışê bombayıni vıraziyayê.

Paris de cayê basqınan

Êrışan de de tewr kemi se u şeşti ra zêde merdumi merdê hama amorê vınibiyayeyan hıma tam nêzaniyeno. Be saeta lokale 23:58 de serecumhurê Fransa François Hollande akerdenayışê xo çap kerdo ke pêro Fransa de halê serêtebii ilan keriyao u hukmat heme hıdudanê Fransa padayê.

Basqıni

Basqınê Le Petit Cambodgei

Êrış, mıntıqa Parisia 10ıne de, restorano ke namê cı Le Petit Cambodgeio de u rocvetışê Parisi de mıntıqa 11ıne de tiyatroyo ke namê cı Bataclano de salonê xo de vıraziyao. Tiyatroyê Bataclani tewr kemi se (100) u êrışê ke mıntıqanê bini de vıraziyayê de zi tewr kemi çewres (40) teni weşiya xo vıni kerda.

Basqınê Le Carillono

Mıntıqa Parisia 10ıne de restoran esto ke namê cı Petit Cambodgeio (yanê "Kamboçyaya Qıtek") de êrış vıraziyao ke naca de çehar teni merdê. Teroristi, ê bini baro ke kanalê Saint - Martin ra nezdiyo u namê cı Le Carillono de zi merduman sero adır kerdo. Gorey ajansê xeberi Associated Press ra polisi vatê ke restoran de des u yew (11) teni weşiya xo vıni kerdo.

Êrışê Stade de Francei

Stadyumê Fransa ra nezdi yew bar de êrışo bin vıraziyao, naca de zi tewr kemi des teni merdê.

Basqın u êrışan ra dıma

Organizasyono terorist Dewleta İslami İraq u Şam de pêro êrış u basqınan xo sero gırewtê. Hesabê teroristanê Dewleta İslami, medyaya sosyale de payênayışan kerdê. Militanê terorosti vatê ke ê êrış u basqınan semedê Suriya kerdê.