Şêr û Roc

Şêr û Roc (be Farski: شیر و خورشید; Šir o Xoršid), oyo ke motifo ke amblem û sembolê İraniyo, serranê 1846 û 1980ıne de desmala İrani biyo. Şêr û Roc şarê İrani miyan de zaf namdaro, vêrde û tarixê xo zaf kıhano. Sembolê Diyasporaya İranıcan zi Şêr û Roco. Şêr û roc şınasiye (zanışiye, ilım) û sekulerizm mocnenê, temsıl kenê. No motif, zerrekê xo de zaf areze beno. Arezeyo verên zanışiye û sekulerizmo, arezeyo dıyın astronomiya, arezeyo bin zi astrolociya, zodyako. Bınê qraliya Safewiyan de, no motif pêro be İslamê Şıi gırey dayo. Keyê ke Safewiyan İran de hukım ramıto, no motif de şêr û roc dı payanê dewlete mocnê, yewo ke qıraliyeto û biniyo zi İslamo.

Rıçıkê Şêr û Roci zaf kıhano. Sistemê zodyakiyê antiki de şêr, horoskop de leo mocno û temsıl kerdo. No motif zi kultur û sivilizasyonê İranıcan arê kerdê. Goreyê Afsaneh Najmabadi ra, motifê Şêr û Roci, ikonanê kamiya İrani mocneyan miyan de zaf gırd biyo û kulturê tarixiyê ke İran ser de tesır kerdo zey Zerduştiye, Şia, Cıhudiye û Tırki, pêro inan arê kerdê. Motifê Şêr û Roci, domê hirê imperatoriyan de zi şınasiyayo, sembolê İrani vêniyayo.

Galeriye

• Şêr û Roc
• 
  Şêr û Roc
• 
  Şêr û Roc
• 
  Amblemê İrani, Şêr û Roc (1932–1979)