Apple

Apple Inc. ya zi zemanê veri de be namê Apple Computer, Inc. şınasiyêne, şırketo Amerikano ke merkezê cı Cupertino, California dero. Apple, elektronikê werdoğan, nuştışê komputeri u komputero tenên vırazeno, resneno cı u roşeno. Hardwareê komputeri de be seriyê Maci komputer, muzik-cınıtoğê iPodi, telefono cir, komputerê tableti u saete roşeno. Logoyê Applei saya siyaya. No şırket şırketo anonimo u terefê Steve Jobs, Ronald Wayne Steve Wozniak ra vıraziyao, serra 1976ıne de niya ro. Apple, Samsung Electronics ra tepeya hetê ciroy ra şırketo gırdo dıyıno ke enformatik u teknolojiko, Samsung u Nokia ra tepeya zi şırketo gırdo hirêyıno ke telefonê cebi vırazeno. Apple, serra 2008ıne de terefê rocnamey Fortune ra şırketo yewın çıniyao we ke DAY u cihan ser de zaf waziyao u rağbet zaf diyo. Tırkiya de distributoriya cı terefê Bilkom u INDEX ra keriyena. Şırket roniyayışê cı ra dıma namê xo ra computeri veto.

Apple
Şınasiye
Tewr	Vırazgah, Cayê kari, brand, public company, corporation, technology company û computer manufacturer
Dewlete	Dewletê Yewbiyaeyê Amerika
Tewrê neşıri	Software industry
Sazbiyayış	1 Nisane 1976
Bırayi	Imagination Technologies û Apple corporate shuttleFileMaker, Inc.
Merkez	Cupertino
Xızmetê mıntıqa	Worldwide
Serdar	Steve Wozniak
Akerdış	www.fundinguniverse.com/company-histories/apple-computer-inc-history
Dewleta kanali	Dewletê Yewbiyaeyê Amerika
Maneyê cı	Saye
Website	www.apple.com
Twitter	https://www.twitter.com/Apple (Pêro piya Teqibwani)

Logoyê Applei

Vıraştoğê Applei Steve Jobs serra 2011ıne de merdo. Jobs ra tepeya serê şırketi rê Tim Cook ravêrdo. Ewro Apple be 700 milyar dolaran ra butca xo dınya de miyandê şırketanê zengınan de amariyena u ca gêna.