Kanada: Ferqê çımraviyarnayışan

'''Kanada''' yew dewleta. Cayê xo mıntıqa ra zımey qıta [[Amerika]] dero. Zımey Kanada de [[Okyanuso Arktik]], veroc (cenub) de [[Dewletê Amerikayê Yewbiyayey]], rocawan (ğerb) de [[Okyanuso Gırd]], rocvetış, (şerq) de [[Okyanuso Atlantik]] u [[Welato Kewe|Welato Kewe (Greenland)]] estê. Paytextê Kanada [[Ottowa]]yo. Kanada eyaletan ra yena pêra (mıteşekkıla) u 13 eyaletê xo estê. Kanada ezaya [[NATO]], [[Mılliyetanê Yewbiyayiyan]] (UN), NAFTA, u G8iya.

 

İşğalê şaranê [[Ewropa|Ewropayıcan]] ra ver, eşirê Postesuran (''Indians'') Kanada sero cıwayêyi bi; nê wahêrê ê erdi bi. Wextê esrê 15'i de mılletanê Ewropa qıta [[Amerika]] işğal kerde. Eskeranê Ewropa hem [[Dewletê Amerikayê Yewbiyayey]] hem Kanada de zaf postesuri kışti, be guman 11 milyon merdumi tertele ra merdê. Verin de Kanada koloniya/mıstemera [[Britanya]] biye. Labelê Kanada xoseriya temame nêgırewt. Nıka Kanada gırêdayiya qralina [[Britanya]]wa. Cengê Dınyayê I. u II. de dewleta Kanada bêhet mende.

 

[[Dosya:Geopolitical map of Canada.png|thumbnail|Xerita Kanada]]

İklimê Kanada zaf serdıno. Mıntıqa ra zımey (şımalê) xo zaf cemedıno. Awa ki iklimê Kanada zaf serdıno, şarê Kanada sindorê Amerika ri nêzdi nışeno ro.

 

Bacarê Gırdi:

* 1. [[Toronto]]. Nıfus: 2.481.494

* 2. [[Montreal]]. Nıfus: 1.583.590

Bacara [[Toronto]]y zaf raver şiya. Tede banê xeylê berzi estê. Toronto bacarê borsayo, merkezê iqtısadê Kanadayo.

 

Nıfusê Kanada 32,5 milyono. Zaf mılletan ra insani estê: [[İngılız]]i (%19,2), [[Frenk]]i (%15,7), [[İskoç]]i (%14), [[İrlandıc]]i (%12,9), [[Elman]]i (%9,0), [[İtalyan]]i (%4,3), [[Çinıc]]i (%3,5) u [[Postesur]]i (%3,4). Dinê Kanada [[İsewitine|İsewitina]] u mezhebê mıletê Kanada Katoliko. Labelê dino resmi çıniyo. Tayê [[İslam|Mısılmani]], [[Musewi/Cuhudi|Musewiy]] zi estê. Zıwano resmi [[İngılızki]] u [[Frenki]]yo.

 

[[iqtısad|İqtısad]]ê Kanada zaf gırdo. Endustriya koli u petroli zaf mıhima. Herunda standardê heyati berza. Labelê Kanada [[iqtısad]] u kulturê [[Dewletê Amerikayê Yewbiyayey]] ra zaf tesir biya.

 

* [http://www.gc.ca Sitey Dewleta Kanada] (İngilizki)

* [http://atlas.gc.ca/site/index.html Atlasê Kanada] (İngilizki)

 

{{Eyaletê Kanada}}

{{Sûkê Kanada}}

{{Dewletê Amerika}}