Charles William Wilson
Charles William Wilson (b. 14 Adare 1836 - m. 25 Teşrîna Peyêne 1905) yew dîplomat, cografînas, leşker û arkeologo îngilîz o. Wayîrê nîşananê "Order of the Bath", Ezîz Michael û Aziz George yo û wayîrê xelata Cemîyetê Kralîyetî yo (FRS).
| Charles William Wilson | |
|---|---|
 | |
| Melumato şexsi | |
| Dewlete | Qraliya Yewbiyayiya Britanya Gırde u İrlanda |
| Cınsiyet | Camêrd |
| Cayê biyayışi | Liverpool |
| Biyayış | |
| Merdış | |
| Cayê merdışi | Royal Tunbridge Wells |
| Wendış | Liverpool Collegiate School |
| Gure | Cartographer, diplomat, Mıhendis, anthropologist, Arkeoloğ, zabit û geographer |
| Zıwani | İngılızki |
| Pi | Edward Wilson |
1836 de Liverpool de ame dinya. Liverpool Collegiate School û Cheltenham College de perwerde dî. Tewrê Akademîya Leşkerî ya Woolwichî bi û 1855 de sey subay Kolordîya Muhendîsanê Qraliyetî de wezîfa girewte.[1]
1858 de deryayê Pasifîkî de, 1865 de Qudus de seba xerîtekerdişî wezîfa girewte. 1867 de Cigêrayîşê Fonê Filistînî (PEF) de rolêko serek girewt û Qudus de Qîlê Mabedî de yew kenitişo arkeolojîk kerd. 1867 de Buroya Xerîteyê Îskoçya de wezîfa girewte û Borough Boundary Commission de bi hetkarê Komiserî. 1868 de beşdarê xerîtekerdişê Sînayî bi. 1872 de bi endamê Komeleya Arkeolojî ya İngilîzan. Yew hete ra zî mudîrîya Komeleya Metnanê Hecîyan kerde. 1874 de bi endamê Royal Society. Daîreyê Leşkerî yê Îngilîzan de bi mudurê beşa topografîye. Dima ra bi serekê Buroyê Xerîte yê Îrlandayî. [2][3]
1879 ra hetanî serra 1882 sey serkonsolosê Anadolu yê Îngilîstanî wezîfa kerde û cografyaya Osmanîyan de zaf gêra. 1881 de konsolosê Erzurumî Henry Trotterî reyde pîya seba cografyaya ke armenî tede cuyenî projeyê islahî amade kerdî.[4]
Serra 1895ine de bi nameyê "Handbook for Travellers in Asia Minor, Transcaucasia, Persia etc." yew kitab amade kerd. Tîya de derheqê gelek miletan u cayan de malumatî estê. Kitab de derheqê tarîx û sosyolojîya kurdan de û cografyaya înan de zî malumatî estê. Bi tabîrê ey mintiqayanê "kurdanê zazayan" ra zî behs keno.[5]
Çimeyî
bıvurne- ↑ Major General Sir Charles William Wilson, 1836–1905, Palestine Exploration Fund
- ↑ Surveying Jerusalem
- ↑ Major General Sir Charles William Wilson, 1836-1905
- ↑ Mustafa Turan & Emel D. Görür, "İngiltere’nin Anadolu Genel Konsolosu Charles William Wilson ile Erzurum Konsolosu Henry Trotter’ın Ermenilerle Meskûn Bölgelerin Islahına Yönelik Hazırladıkları Islahat Projeleri" , OTAM, 44/Güz 2018, r. 311-340.
- ↑ Charles William Wilson, Handbook for Travellers in Asia Minor, Transcaucasia, Persia etc, John Murray, 1895, r. 248