Cumhuriyetê Roma (Latinki: Respublica Romana) cumhuriyeto verêno ke İtalya sero niyo ro, uca ra Ewropa, Rocvetışê Miyani û Afrika sero xo kerdo hera. Cumhuriyetê Roma hirê (3) standardan ra ameyo pêra. Nameyê inan zi oligarşiye, hiyerarşiye û monarşiye benê rêze. Tarixê Cumhuriyetê Roma de hirê zemani zi estê: Cumhuriyeto verên, cumhuriyeto klasik û cumhuriyeto peyên.

Ewropa sero Cumhuriyetê Roma

Cumhuriyetê Roma serra verê İsayi 509ıne de niyo ro, şarê Roma qıral ardo cêr û cumhuriyet ilan kerdo. Hema o taw herrê cumhuriyeti qıtek biyê. Coka be cumhuriyet ra idarekerdış zor nêbiyo. Be averşiyayışê zemani ra piya herrê cumhuriyetê Roma biyê hera, heta Afrika û Rocvetışê Miyani û İngıltere şiyê. Coka merkez ra idarekerdış zor vêniyayo. Hêdi hêdi quweta idarekaran biya berz û raveri Caesari xo diktator ilan kerdo. Ey ra pey zi senatoyê Roma wezifaya xo daya Augustusi û ena zi peyniya cumhuriyeti biya.