Demokrasi Zamanı Partisi
Demokrasi Zamanı Partisi ya zi DEZA-PAR (be Zazaki: Partiya Zemanê Demokrasiye) jû partiya Tırkiyaya ke Partiya Şari'a Zazayan ra tepiya vıraziyaya. Serdarê ena partiye Dilaver Eren bi. 29ê Martê 2024ıne de İlhami Çağrıtekin serdaro emanet çiniya we, Ali Demirel (Macir Ciron) zi yardımkerê serdari. Partiye Tırkiya de be namey Zaza Partisi ra, yani Partiya Zazayan şınasiyawa, name kerda. Oyo ke qanunê dewleta Tırkiya ra gore nameo etnik namey partiye nêbeno, namey na partiye çarna "Deza-Par".
| Demokrasi Zamanı Partisi | |
|---|---|
 | |
| Melumat | |
| Dewlete | Tırkiya |
| Tewr | Partiy |
| Sazbiyayış | |
| Serdar | İlhami Çağrıtekin |
| Merkez | Anqara |
| Wikidata sera bıvurne | |
Tarixê partiye
bıvurneEna partiye aver be namey Zaza Halk Partisi ra, serra 2017ıne de vıraşta. Yarğıtayi o taw iqaz kerd ke partiye be namanê mıntıqan ya zi mıletan nêşena bêro vıraştene. Enê iqazê Yarğıtayi ra tepeya partiye namey xo vırna, kerd Yenilikçi ve Değişim Partisi. 1ê Eylule 2019 de zi partiye yew kongre ard pêser, namey xo reyna vırna kerd DEZA-PAR. Serdarê partiye zi Dilaver Eren çıniya we.
Ereni partiye sero vat ke gani rayê da demokratike bêro gırewtene ke mıletê ma qutıban ra xo raxelesno, wa ma zi jû raye anime ver. Hına fıkıriyao ke partiye şena çewres u yew wılayet de organize bo.
Persê "ena partiye Tırkiya rê çı wad keno" rê zi Ereni hıni vat: Partiye insaniyet wad kena, demokrasiye wad kena. Nıka Tırkiya de kulturê linçi esto. Merdımi biyê qutıbıni, bırriyay a. Kıştê ra zıhniyeto İslami, kıştê da bine ra zi zihniyetê eskeriya'o militarist esto. Partiyê irqperesti estê. Ma di ke jû raye lazıma ke bıbo, merdımi gani piya bıcıwiyê, qutıban ra xo raxelesnê. Ma mıleti kenime werzanenime a pay, ma anime raye, ma hesaban de niyê, hesabanê binan nêwazenime bıkerime. Ma vanime ke, "şıma zi bêrên, ma insan bıbime, heqanê xo bıpawime, bışeveknime."
Serdari (serweri)
bıvurne| # | Namey | Sıftey wezifa | Xelasa wezifa |
|---|---|---|---|
| 1 | Mehmet Ali Şenel | 2017 | 2019 |
| 2 | Dilaver Eren | 2019 | 2024 |
| 3 | İlhami Çağrıtekin u Ali Demirel | 2024 | - |
Gırey teberi
bıvurne- Siteyo resmi Archived 2020-06-04 at the Wayback Machine
- Facebook de Demokrasi Zamanı Partisi
- Instagram de Demokrasi Zamanı Partisi
- Twitter de Demokrasi Zamanı Partisi