Erc

Erc, manay xo Erebki de qimeto. Çiyo ke bıqimeto ra yeno vatışi ercaye. U qimet bı xo erco. Pehlewki de vera erci ercomend zi hamewo xebetnayışi. Her çi ercêke xo esto. Çikewo bêerc çınyo. Tenya erci gorey merdıman ra merdıman, ya zi mıletan ra mıletan vurenê. Ma vacê çiyo ke ma rê ercayewo beno ke şaro bini rê ercaye nêbo. Eger ma bıwazê erc tam mana bıkerê eyro perey her dewletan ercêke xo estê. Nıka perey Tırkiye lira (tr) yo u perey Emeriqa zi dolaro. Miyanetewe de ercê eni peran yew nêyo. Yew dolarê Emeriqa nıka yew lira erctıryo yanê qimetıro. Erc tenya hetê estomendi ser nêyo. Ercê her mıletan ciyayê. Ma vacê roşanê Remezani ercê xo miyanê mısılmanan de esto. Labelê miyanê xıristiyanan de roşanê serenewe esto u inan rê zi roşanê serenewe bıerco yanê bıqimeto.