Kerge (heywan)

Kerge🐔
Kerge🐔
Şınasnayış
Rêza taksoni	Torobınên
Latinki	Gallus gallus domesticus
Taksonomiye
Tewr	Heywanê roşiyayeyi û Heywanê puneki
Serfamilya	Gallus û Gallus gallus
Familya	Chickens
Arêzekerdışê	Gallus gallus
Familyeyê bınêni	Huhn
Arestekerdış	Organisms known by a particular common name, model organism û taksonomik obje
Çıme	Brockhaus and Efron Encyclopedic Dictionary, Gujin Tushu Jicheng, Metropolitan Museum of Art Tagging Vocabulary, Encyclopædia Britannica 11th edition, Encyclopædia Britannica First Edition û The Domestic Encyclopædia; Or, A Dictionary Of Facts, And Useful Knowledge

Kerge heywana de khediya u insanan rê zaf faydey xo esto. Semedê/Seba hakan u goştê cı ra bena weiye.

Xeylê cınsê kergan estê. Texminan ra gore yew (ju) kerge 5-7 hetan 8-8 serri weşiya xo ramena/cüyena. Hama hak-kerdena kergan 2-serre biyayene ra tepiya her ke şi bena senıke.

Asayış

Kergê neri rê dik, kerga maye rê kerge u leyirê (leyira) cı rê varık (varıke) vaciyeno. Varıki şıkinê 1-1,5 ra heta 5 kg pili bê. Normal de dik her daim kerge ra 1 u 1 kg ra cor dayina kiloyın beno. Labelê taê kergi estê ke, ê ki 500 u 1200 gram gıranê.

Kulıka sura serey diki yê kerge ra tenêna derga. Kergi dı lıngınê u her yew lınge ra çar beçıki estê. Nê çar beçıkan ra hirê teney hetê veri, yew ki hetê pey ser pay nanê ro erd.

Kergi lulıkan, morcelan, den u dendıkan wenê. Taê este ke, bile merran wenê. Kergê keyey serre de teqriben 250 ra hetan 300 hakan kenê. Hema her roce, hako ke kerge kerd, bınê ra bıcêriyo ke kerge ancia hakan dewam bıkero. Eke haki bınê ra nêgureti, na raye kerge sero bena khurte u 21 roci ra tepiya leyiran vecena.

Kergi caê de berz ra nisenê ro tarre u kewnê ra. Wertey kergan de yew (ju) qeydey rêzê nıkıl-kerdene esto. Êyê ke cor derê xo gırd vênenê, coka gani uşira tarre yew berzine ra bo.

Dınya de weiye-kerdena kergan

Dınya de tewr zêdêr kergi Dewletê Amerikaê Yewbiyaey, Çin u Brezilya, İspanya, Britanya Gırde u Fransa de benê weiye.

Dınya sero veciyaena goştê kergan (2004)
rêz	dewlete	goşt (1000 Tone)	rêz	dewlete	goşt (1000 Tone)
1	Dewletê Amerikaê Yewbiyaey	15.536	11	Rusya	1.060
2	Çin	9.475	12	Afrika Veroci	973
3	Brezilya	8.668	13	Kanada	950
4	Meksika	2.250	14	Tırkiya	940
5	Hindıstan	1.650	15	Arcantin	885
6	İspanya	1.268	16	Tayland	878
7	Britanya Gırde	1.242	17	Malêzya	825
8	Japonya	1.241	18	İran	820
9	Fransa	1.135	-
10	İndonezya	1.100	-

Tarix

Texlilanê biyolocik-molekuleran ra gore kergi tewr verende Burma ra yenê. Estıkê ke arkeologan Çin de diyê inan ra gore 6. hezar serri milad ra ver insanan kergi sıfte kerdê weiye.

Fotogaleriye

Kergê keyey
Yew dik
Kerga keyey