Projey Kulturi Dêsım - Qoçgiriye - Qerebêl

Projey Kulturi Dêsım - Qoçgiriye - Qerebêl (be Tırki: Dersim-Qoçgiriye-Qerebêl Kültür Projesi) projeyê dê nuskaran û zıwanzanano ke inan pê peşti û yardım peyniya nê projey de 4 kıtabi ardi meydan û nê eseri şewa projey da day şınasdaene (nas kerdene).

İsviçre, Almanya û Estamol ra taê nuskar û akademiysen û senatkaran ra, no proje yeno herune. Sermiyanê projey Tevfik Şahino Be Projey Kulturi Dêsım – Qoçgiriye – Qerebêli 4 kıtabi veciyay:

1. Lawıkê Qerebêli: Hetê Zera û Qangali (Sêvaz) ra lawıki (kılami, deyri); leteo zêde Zazaki, taê ki Tırki û Kırdaski. Arêker: Tevfik Şahin (Cefo Çarekız)
2. Kılamê Kırmanciye: Hetê zerrê Dêsımi (Mamekiye, Xozat, Ovacığe, Pılemoriye, Qışle, Mazgerd) ra lawık û sıwari; nê ki leteo zêde ebe Zazakiyê (Kırmanckiyê), taê ki Kırdaski. Arêker: Cemal Taş

Kıtabê Lawıkanê Dêsımi be nota û resman, ê lawıkanê Qerebêli be nota û CD de veciyay.

1. Kıtabê musnaena Zazaki “Şıma Zazaki zanenê?”, zıwanzan Mesut Asmên Keskini ra. No kıtab Zazakiyê do standardo ke be metodo ilmiyo, ey salıx dano; be arazekerdena Tırki veciya. Çûnke her mıntıqaya Zazaki de wa kes Zazaki bımuso û mekteban de ki rocê bêro musaene. No kıtab raver Gağandê (Zımıstania Verêne) 2012yine de Almanya/İsviçre de be Almanki seba musnaena Zazakiyê Pılemoriye/Erzıngani bınê projey “Kulturprojekt Zazaki-Lehrbuch”i ame vetene.
2. Domananê ma rê Alfabê Zazaki, zonzanoğ Yaşar Aratemüri ra. No kıtabo Zazakiyê zımey veciya. Kıtabo ke be resmanê rengınan veciya ke domani/qıci alfabey zıwanê xo be kay û keyfi bımusê.

No proje roca şemiye 8ê Nisane 2017ıne de, İstanbol, Şişli Kent Kültür Merkezi de ame nas daene. A roce nuskar û senatkar û akademisyeni, qeyretkerdoğ û gırwekarê nê projey pêro amey têare, proje û halê zıwan û kulturê Zazayan (Dımıliyan) sero qısey kerd. Senatkar û şairan lawık û kılami vati.