Qanunê hıdudi

Qanunê hıdudi (Urduki: حدود) qanunê ke serdarê Pakıstani general Muhammad Ziya ul Haqi serra 1979ıne de vetê, inan rê vaciyenê. Muhammad Ziya ul Haqi 1978 de darbe vıraşto, hukmatê Pakıstani ardo cêr u xo kerdo ser. O taw ra tepeya islamizasyonê Ziya ul Haqi dest pêkerdo. Ziya ul Haq qanunê Pakıstani ra sekulerizm veto, İslam ardo qanunê Pakıstani miyan. Ziya ul Haqi qanunê hıdudi vetê. Qanunê hıdudi şeriatê İslami ra vıraziyay. Be qanunanê hıdudi ra piya heq u hıquqê cêniyan pêro cawiyay, miyan ra dariyay we.

Qanun miyan de cêniya ke tecawuz vênena, eke a çehar mêrdekan nêana se zinakerde amariyena u recım keriyena. Destê dızdiyo raşt bırniyeno, kamo ke alkol gêno heştay qırbaçi weno. Heta serra 2006ıne eno qanun hıquqê Pakıstani de mendo, serra 2006ıne de zi Perwez Muşerefi eno qanun hıquqê Pakıstani miyan ra veto, qanun dariyayo we.