Rubai
Rubai (رباعی) yew turê nazımio. Rubai de eşq, heyat, insan u fikırê feslefiy qısey benê. Rubai ebe wezno eruzi ra nusiyeno. Literaturê Anatoliya ra ame İran ra. Nuştışê mısrayê 1, 2,, u 4. de qefiya esta, nuştışê mısrayê hirêyıni serbesto. Nizamê cıyê nuştışi aabayo. Rubai de mehlas çıniyo, sistemê ehrab u ehrem u ahengê inan ra nusiyeno u vist u çehar qalıbê cı estê. Rubai de teyna yew fikır, raya tewr kılmi ra qısey beno. Heme mısrayanê cı de gıre esta ema mısrao hirêyın , mısrao de tewr quwetıno. Umer Xeyyam serê nuştekaranê Rubaiyo u rubaiyê xo zaf namdarê heme dınya de. Umer Xeyyam ra ğeyri, Mewlana, Haleti, Şêx Ğelıb, Fuzuli u Yehya Kemal zi nuştekarê rubaiyê.
- Rubai ;
- Vengca rê roca kıhan yad meke
- Seba roca ke nêameya feryad meke
- Mazi u ati, heme inan zûrê
- Zewkê ho rê bewni, heyatê cı berbad meke.
