Wikipedia

Tarixê İslami

Tarixê İslami hetê vêrde ra be serra 7ıne de veciyayışê İslami ra heta vıraziyayışê dewleta İslami u herabiyayışê İslami ifade keno. Ca u şarê ke Dewleta İslami vıstê ra destê xo, inan ifade keno.

Zemanê Ebasiyan de alemê İslami

Tarixê İslami de raya pêroyiye ra zemanê biyayışê Mıhemmedi, ey ra pey zemanê embazanê ey (inan rê çehar xelifeyi vaciyenê), inan ra dıma zi saltanat u dewletanê İslami rê çım erziyeno.

Miyanê tarixê İslami u İslam de çağo zernên, miyan ra veciyayışê dini ra heta merdışê Mıhemmedi, çımeyanê İslami de zey Asr-ı Saadet (Seserra zerreweşiye) vêreno ra. Çımeyanê İslami ra gore maya xo ra biyayışê Mıhemmedi ra ver, şarê Erebıstani nêwende u nêzana biyê. Coka o wext rê çımeyanê İslami de Demê cahiliya vaciyeno. Tarixê İslami zanayışê moderni de be zemanê Mıhemmedi ra piya dest pêkeno. Peyğamberiya Mıhemmedi ra heta rıciyayışê Ebasiyan, serra 1258ıne, tarixê İslami de demê çağê zernêni vırazeno u zemanê klasiki de qısımê verêni vırazeno. Merdışê Mıhemmedi ra tepeya mısılmanan ser de têdıma çehar Xelifey, Emewiy, Ebasiy nıştê ro. İnan ra dıma zi erdê mısılmanan biyê vıla. Her ca de hukımdarê xoseriya xo ilan kerda. 1258 de Lecê Beğdadi ra pey Moğolan paytextê mısılmanan Beğdad vısto ra destê xo, kerdo xırabe. O taw ra heta rıciyayışê Usmanıcan tarixê İslami de zemanê klasiki de qısımê dıyıni vırazeno. Serra 1922yıne de Meclısê Tırkiya sistemê xilafeti darıto we. Seserra 20ıne de dewletanê Mısılmanan Organizasyonê Kooperasyonê İslami vıraşto u kewtê bınê yew çêrangi (çati).

Linkê teberi

bıvurne
Retrieved from "https://diq.wikipedia.org/w/index.php?title=Tarixê_İslami&oldid=525802"