Uludağ (Koyo Pil), zemanê verêni de be namanê Olimpusê Misya u Olimpusê Bitinya şınasiyêne, oyo ke koyo Tırkiyao ke wılayetê Bursa de ca gêno. Eno ko 2,543 m (8,343 ft) berzo, Bursa de koyo tewr berzo.

Uludağ ra asayışê Bursa

Alımê zemanê antiki Herodot (Vİ 490-420) kıtabê cı "Tarixê Heredoti" de namê Uludaği rê "Olympos" nuşto u namê koyi ana ravêreno. Herodot ra çeharsey (400) serran ra tepeya coğrafyaker Strabon (Vİ 64-Dİ 21) ensiklopediya cı "Coğrafya" de Uludağ rê "Mysia Olympos" vato u namê koyi ana ravêreno. Strabon vano ki namê "Mysia" Lydia ra yeno, dara viyale areze keno.

Veciyayışê dinê Xıristiyanan ra tepeya, Uludağ de kilısa u manastıri vıraziyay. Uludağ hem domê İmperatoriya Roma hem zi domê İmperatoriya Usmanıcan de cayê derwışan biyo. Zemanê verêni de eno ko dı naman ra şınasiyao: "Koyê Olymposi" u "Koyê Keşişi". Serra 1925ıne de Cemiyetê Coğrafyay Wılayetê Bursa namê koyi "Uludağ" kerdo. Bınê Uludaği de parko mılli esto u naca de merdumi geyrenê, çiyê wenê u şımenê.