Umer İmameddini Nesımi

Umer İmameddini Nesımi (be Azerki: عمادالدین نسیمی, Erebki; عمادالدین نسیمی) yew şairo de Tırko. Ebe namey Seyyid Nesımi ra zi şınasiyeno. Sera 1369i de maya ho ra biyo. Cayê biyayışê ho beli niyo. Sera 1417 de suka Halebi de gani gani kışiyao. Zonê Azeriki u Farski de zaf şıiri nuşto u ninan sebebê mergê ho biyo. Şıirê ho serê zafê şairan de tesıro quwetıni kerdo. Nuştey cı de raya Mansûr el-Hallâci ra şıyo. Dewrê cı de hereketanê teriqatê Hurufiye zaf biyo quwetın u o zi ena teriqat iştırak kerdo. Seba teriqat u seba Mansûr el-Hallâci ra tay şıiri nuşto. Şıirê ho Anadoliye, İran u Azerbaycan de zaf biyê namdare. Şıir u şiyayışê ho tay idarekar zey Muawyed Şêxi birehat kerdo u terefê Muawyed Şêxi ra kışiyao. Merkezê suka Halebi de postê ho terefê celladan ra gani gani ameyo cıra kerdene u ebe ena eziyeti ra merdo. Cesedê ho 1 hefte kuçeyê Halebi de geyrayao.O ebe na kışiyayışi ra hefizeyê zafê şairan de mendo. O Elewiye de howt şaırê gırdan ra yewo.